شاهه جي رسالي کي سمجهڻ جو ڪورس

سهڻي ڪوشش آهي ، ڪراچي ۾ رهندڙ نوجوانن کي حصو وٺڻ گهرجي

 

شاه صاحب صرف سنڌ جو وڏو شاعر ناهي پر هڪ عالمگير شاعر آهي جنهن جو فڪر عالمگير فڪر آهي شاه صاحب جي شاعري امن شانتي پيار ء محبت جو درس ڏئي ٿي. افسوس ان ڳالهه جو آهي ته اسان جو نوجوان نسل غالب، اقبال، ء شيڪسپيئر کي ته پڙهڻ پسند ڪندو آهي مگر شاه جي شاعري کي ناهي پڙهندو.جڏهن ته شاه صاحب غالب، اقبال ، ء شيڪسپيئر کان ڪئين دفعه وڏو شاعرآهي . اگر ڪوئي پڙهي ته ڏسي. افسوس هن ڳالهه جو آهي ته اسان جا سنڌي شاهه جي شاعري کي سمجهڻ لاء ئي تيار نه آهن۔منهنجا ڀائرو منهنجي صلاح وٺو ٫ اڄ ئي شاه صاحب جي شاعري کي پڙهڻ ء سمجهڻ شروع ڪريو . ء پنهنجي مٺي ٻولي اباڻي ٻولي سنڌي ٻولي سانپيار ء محبت جو ثبوت ڏيو.

​

 

ڇا اها تربيت آن لائين به هوندي۔

 

هون ته سنڌ ڌرتي جو هر شهر شهر واهڻ واهڻ، چپو چپو، سون برابر آهي، ۽ سنڌ جي هر ننڍي وڏي شهر جي پنهنجي خوشبوء آهي۔مگر هت اسان جنهن شهر جو ذڪر ڪرڻ ٿا چاهيون اهو آهي پريا لوء
​

ڀريالوءِ / پريالوءِ: اصل ۾ڀريالوء ڀريا= ذات جو نالو + لوءِ =ڳوٺ آهي.ڀريا ذات جي ماڻھن جو ڳوٺ هو، بعد ۾ پير صاحب پاڳاري انکي مخدوم محمد اسماعيل جي درگاهه سببان ”پريان لوءِ“ (محبوبن جو ڳوٺ) سڏيو، جو نالو ھينئر مروج آھي. ھي ڳوٺ ضلعي خيرپور ميرس جو اھم ڳوٺ آھي. پريالوءِ ۾ مشهور عوامي راڳي سرمد سنڌيءَ پڻ جنم ورتو. شڪيل پريالوي، سيرت تي سهڻي انداز ۾ ڪم ڪندڙ عالم محقق نثار احمد جوڻيجو پريالوئي ۽ سجاد ميراڻي هن شهر جا ناميارا اديب ۽ شاعر آهن. ان کان علاوه سنڌي ٻولي ۽ سنڌي ادب جو خدمتگار سائين نور احمد ميمڻ صاحب به(سنڌيڪا اڪيڊمي ڪراچيءَ جو مالڪ) هن شهر جا جنم وٺندڙ خاموش سنڌي ٻولي جا خدمتگار آهن۔ نور احمد ميمڻ صاحب ذاتي ڪردار ۽ اخلاق جا به بهترين مثال آهن، نور احمد صاحب جن سنڌي ٻولي ۾ تمام وڏو ڪم ڪيو آهي۔ ۽ اهڙا ته انيڪ ڪتاب سنڌي ماڻهون تائين پهچايا آهن جن جي سنڌي ماڻهون کي اشهد ضرورت هئي۔نور محمد صاحب هون ته سنڌيڪا جي هر ڪتاب تي پنهنجا پيش لفظ لکي ڪري سنڌي ٻولي ۾ پنهنجي فڪر کي ٻين تائين پهچائيندا رهندا آهن۔ مگر سندس هڪ ڪتاب ”اچو ته بشر مان انسان بڻجئون“ پڻ لکيل آهي جيڪو اسان جي دوست مهترم سليمان وساڻ صاحب سنڌ سلامت جي فورم تي ونڊ ڪيو آهي۔جنهن ڪتاب ۾ بهترين نصيحتون ڀريل آهن۔۔ جنهن ۾ اسلام جي نظر سان ٻڌايل آهي ته ڪيئن پنهنجي رهڻي ڪهڻي ۽ سماجي قدرن کي بهتر بڻائجي۔

سنڌيڪا اڪيڊميءَ جومختصر تعارف۔​

سنڌيڪا اڪيڊميءَ جو بڻياد ٢٦ سيپٽمبر ١٩٩١ع ۾ پيو جنهن جو مقصد هو ته سنڌيءَ جي مختلف fields ۾ معلومات ۽ تحقيقات جي حوالي سان ڪم ڪرڻ جي حوصله افزائي ڪئي وڃي.​

اڪيڊميءَ جو بنياد جناب نور احمد ميمڻ وڌو، جيڪو سياسي اڳواڻ ۽ مبصر ۽ پبلشر آهي. هن ڄاتو پئي ته هڪ اهڙو ادارو جيڪو سرڪاري ڪامورن جي ڀول ڀلين جي ور چڙهيل هوندو سو سنڌي ٻوليءَ جي جوڳي خدمت ڪو نه ڪري سگهندو جنهن جي هن جديد ۽ ترقي يافته دور ۾ ضرورت آهي. تنهنڪري ضروري هو ته هڪ غير منافعه بخش ادارو وجود ۾ آندو وڃي جيڪو والنٽيرلي بنيادن تي ڪم ڪري، تنهنڪري هيءُ ادارو وجود ۾ آيو۔۔۔ هي تمام مناست اگهه تي ڪتاب پڙهندڙن تائين پهچائي تمام وڏو ڪم ڪري رهيو آهي۔۔۔۔ سندس آفيس آٽو پلازه مارسٽن روڊ ڪراچي تي آهي۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

دوستو، الحمدالله، الحمدلله، مان نه سگريٽ استعمال ڪيان نه پان، نه گٽڪو، نه ڪا ٻئي ڪا اهڙي شيء جنهن ۾ پيئسو الڳ ضايع ٿئي ۽ صحت الڳ، پر مان هر مهيني پنهنجي پگهار مان ڪجهه مخصوص پيئسا الڳ ڪري ان لاء رکندو آهيان ته انهن جا ڪتاب وٺندس، ۽ ان حساب سان مان ڪالهه ڪجهه وقت کانپوء سنڌيڪا اڪيڊمي پهتس ڪتاب خريد ڪرڻ لاء، ۽ مون ڪجهه ڪتاب خريد ڪيا۔
۽ مون ڪتاب خريد ڪيا ۽ تقريبن ٻه ڪلڪ سائين نور احمد ميمڻ ۽ سندس فرزند فضل الرحمان سان روح رهاڻ ڪرڻ جو موقعو مليو، ۽ اتي شاهه کي سمجهڻ جي سبقن جو پڻ ذڪر ٿيو( ۔جنهن جي تفصيل مٿي ڏنل آهي ) ۽ شاهه جي ڪلاسن تائين پهچڻ لاء رستي جو به ذڪر ٿيو، ان تي مون مشوارو ڏنو ته ان جو ڪو نقشو هجي ته مون کي عنايت ڪيو ۽ منهنجي ان درخواست تي انهن اهو نقشو مون کي عنايت ڪيو جيڪو پڻ هت سنڌ سلامت جي فورم تي ونڊ ڪجي ٿو۔، اميد ته هي نقشو دوستن لاء رهنمائي ڪندو۔ ياد رهي ته شاهه جي ڪلام تي ليڪچر سنڌ جو مشهور

شاهه جو پارکو انب گوپانگ، ۽ نور احمد ميمڻ صاحب ڏيندا۔​

​

 

سائين اهي ڪلاسز روبروهلندا مگر اهي ڪلاسز ۾ بيان ڪيل ليڪچر رڪارڊ ڪري ۽ پوء مقرر وقت تي ريڊيو تي پيش ڪيا ويندا۔ اها ڄاڻ محترم دوست فضل الرحمان ميمڻ ولد نور احمد ميمڻ صاحب جن مون کي پاڻ ڏني هئي۔​

 

​

 

​

 

​