انتهائي ڏکائتي خبر آهي ته نوابشاهه کان قاصي احمد ويندي هڪ اسڪول وين ۽ ڊمپر جو آمهون سامهون ٽڪر ٿيو آهي جنهن ۾ 17 اسڪولي ٻارڙا ۽ ٻارڙيون اجل جو شڪار ٿيون آهن جڏهن ته استادياڻي، وين جو ڊرائيور ۽ اسڪول جو قاري به زندگي وڃائي ويٺا آهن۔ وين ۾ موجود ٻارڙن جو تعلق دولتپور سان هيو جيڪي نوابشاهه ۾ هڪ قابليت ۽ چٽاڀيٽي جي امتحان ۾ حصو وٺڻ آيا هئا ۽ واپس پنهنجي شهر وڃي رهيا هئا۔
چيو وڃي ٿو ته اهو حادثو نوابشاهه ۔۔۔ قاضي احمد لنڪ روڊ تي روهڙي ڪينال ڀرسان ٿيو آهي۔ ڊي سي نوابشاهه جو چوڻ آهي ته جنهن جڳهه تي حآدثو ٿيو روڊ جي ري ڊزائن جي ضرورت آهي، اتي اڳ به ننڍا حادثا ٿيندا رهيا آهن۔ حادثي ۾ 11 ٻار زخمي پڻ ٿيا آهن۔ ڪجهه غير تصديق اطلاعن موجب فوتين جو انگ 22 ٿي ويو آهي۔ هن حادثي جي خبر ٻڌي ماڻهو ڏکارو ٿي وڃي ٿو۔ گلن جهڙا معصوم ٻار جن جون عمريون 8 کان 16 سالن جي وچ ۾ آهن اهي بري طرح زخمي ٿي حياتيون وڃائي ويٺا آهن۔
