وفاق ۾ سنڌين لئه نوڪريون

[نثارابڙو]

حوالو؛ محترم صوفي لغاريءَ جو قومن جي بين الاقوامي ادري ڏانهن لکيل هڪ خط ؛

موضوع؛ سنڌين کي وفاقي نوڪرين ۾ مناسب حق نٿو ڏنو وڃي
1. وفاق ۾ سنڌ کي 19 فيصد نوڪرين جي ڪوٽا منظور ٿيل آهي ....
2. صدارتي آفيس ۾ 280 ملازم آهن جن ۾ ڪو به سنڌي ناهي جڏهن ته ڪوٽا جي مطابق 53 ملازم سنڌي هجڻ کپن ...
3. وزير اعظم جي آفيس ۾ 718 ملازم آهن جن ۾ سنڌي صرف 23 آهن، جڏهن ته ڪوٽا مطابق 153 هجڻ کپن.
4. وفاقي سيڪريٽري 72 آهن، جن ۾ سنڌي صرف 3 آهن، جڏهن ته ڪوٽا مطابق 14 هجڻ کپن.
5. وفاق ۾ 86000 ملازم آهن جن مان سنڌي صرف 902 آهن، جڏهن ته ڪوٽا مطابق 17000 هجڻ کپن.
6. پاڪستان جي فوج ۾ 42 جنرل آهن ۽ 10،000 اعلا عهديدار، جن ۾ ڪو به سنڌي ناهي، جڏهن ته 9 جنرل هجڻ کپن ۽ 2000 اعلا سنڌي عهديدار هجڻ کپن.

دوستو! جيتوڻيڪ اها ڪا نئين ڳالهه ناهي ته سنڌين کي پاڪستان جي صدارت يا وزارت اعلا جي ڪرسي ڏئي سنڌين جي اکين تي پٽي ٻڌي ويندي آهي ... ۽ اسين ان ۾ خوش ته واه واه حڪمراني اسانجي هٿ ۾ آهي پر اصل ڳالهه ڇا آهي؟ بس گهاڻي ۾ وهندڙ ڏاند جيئان ڦيرا پائڻ ۽ غلاميءَ جي زندگي گذارڻ ...

اها حالت ڪڏهن بدلبي ۽ ڪير بدلائيندو؟، آهي ڪنهن دوست وٽ ڪو مناسب جواب؟

 

[مست]

جواب: وفاق ۾ سنڌين لئه نوڪريون

سائين اسان جي هيستائين جي کوج ۽ بحث جيڪا مون ٻين ٻولين وارن ماڻهن سان ڪئي آهي ته اهو ته اهي ماڻهو سنڌين کي هميشه ڄٽ قوم جي وانگيان سمجهين ٿا۔ پنجاب، ڪراچيءَ جا ماڻهو اندرونِ سنڌ جي متعلق ته اهو سوچي ويٺا آهن ته هِتي فقط ڌاڙيل رهن ٿا ۽ قبيلائي جهڳڙا ڪندڙ رهن ٿا، جن کي ڪو علم نه آهي، جيڪي ڪارو ڪاريءَ تي قتل ڪرڻ کي غيرت جو نانءُ ڏئي فخر محسوس ڪن ٿا۔۔۔ سوچن ٿا ته اهڙي ماڻهن جو ڪهڙو ڪم نوڪرين سان ۽ ترقيءَ سان،
اهي ماڻهو اهي نه ٿا سوچين ته سنڌ جي انهن شهرن منجهان ئي قائداعظم، جي۔ايم سيد، علامه دائود پوٽو، امداد علي قاضي، ۽ ٻيا ڪيترائي هونهار پيدا ٿيا جن ملڪ جي قائم ڪرڻ ۽ ان جي ترقيءَ ۾ پاڻ مڃايو۔۔۔
اڄ قائداعظم کان وڌيڪ علامه اقبال کي عزت ڏني وڃي ٿي انهيءَ ڪري ته قائداعظم هڪ سنڌي هو۔۔۔
انهن ماڻهن جي انهيءَ سوچ کي علم سان ئي ختم ڪري سگهجي ٿو۔۔۔
بس جواب اهو آهي ته سنڌ جي بستي بستي، شهر شهر، واهڻ واهڻ، گلي گلي، علم کي عام ڪجي، استاد اهڙا هجن جيڪي پئسي لاءِ نه پر مستقبل جي نسل کي اڳتي وڌائڻ لاءِ همٿائيندڙ هجن۔۔
ٻيو ته ٺهيو پر راندين جي ميدان ۾ ئي ڏسو، تازو سنڌ جو هڪ پهلوان انٽرنيشنل مقابلي مان گولڊ ميڊل پهرين پوزيشن سان حاصل ڪري پاڪستان آيو پر ڪنهن به سندس استقبال ايئرپورٽ تي نه ڪيو ۽ انهيءَ جڳهه تي وري ڪنهن گولڊ ميڊل حاصل ڪندڙ لاءِ بنگلن ۽ ڪارن جا اعلان ٿي پون ٿا۔۔۔ واضح فرق فقط آهي ته سنڌي ۽ ؓغير سنڌيءَ جو۔۔۔