بجلي جي پيدا ڪرڻ لا استعمال ٿيندڙ مختلف قسمن جي ٻارڻ تي تحقيق ڪندي، انهي ڳالهه تي حيرت ٿي رهي آهي، ته ترڪي ۾ گهرن ۾ استعمال ٿيندڙ بجلي جي قيمت، ڪارخانن، اسڪولن، مارڪيٽن ۽ زراعت کان وڌيڪ آهي..... اهو انهي جي ڪري ته ماڻهو گهڻي کان گهڻو گهرن کان ٻاهر رهن، گهر اصل ۾ سستي جو گهر آهي. جيترو وقت ماڻهو گهر کان ٻاهر رهندو اوترو وقت ئي ڪنهن نه ڪنهن مثبت ڪم پويان لڳل هوندو، ڀلي اسڪول هجي يا مارڪيٽ! واندو ويهڻ جي ته جا ڪٿي آهي ئي ڪانه، سوا ڪنهن پارڪ جي! پاڪستان ۾ بجلي جو قيمتون گهرن جي لا سڀ کان گهٽ آهن، انهي لا جو پاڪستاني عوام سُتي رهي! قائد عوام يونيورسٽي ۾ منعقد ٿيل هڪ ڪانفرنس ۾ مون اها ڳالهه ڪئي هُئي گهريلو استعمال لا بجلي جون قيمتون مارڪيٽن ۽ ڪارخانن کان وڌيڪ هُجڻ کپن ته جيئن اُپت وڌي. پر ٻيا سمورا پاڪستاني سائنسدان ۽ تحقيقدان مون سان ذري گهٽ وڙهي ٿي پيا. هتي اهو ڏسي مون کي پنهنجي مهارت ۽ سوچ ٿي خوشي ٿي رهي آهي.
گهر اصل ۾ سستي جو گهر آهي يار گورڌن ڇو اچي اسان جي آرام جي ڪڍ پيو آهين .... يار ماڻهو جي سمهندو نه ته تازو ڪيئن رهندو. خير هي نئين ڳالهه ته ترڪيء ۾ گهريلو ٻارڻ واري بجلي مهانگي آهي
نه رُڳو مهانگي پر سختي جي حد اها آهي جو جنهن فليٽ ۾ آئون رهان پيو انهيءَ ۾ بجلي جا بل گرائونڊ فلور تي اچي بورڊ تي پن ڪري ويندا آهن. مون غور نه ڪيو تاريخ گُذري وئي. مون سوچيو ته پنهنجي مُلڪ وانگر ليٽ جمع ڪرائڻ جو فائدو ناهي. ليٽ پيمينٽ هونئن به لڳي وئي. جمع ڪرائبو ته بقايا لڳي ايندي. پر خبر تڏهن پئي جو هفتي کان پوءِ اچي بجلي ڪٽي ويا. جلدي وڃي بل جمع ڪرايم ۽ بغير چوڻ جي يا چورائڻ جي اليڪٽرڪ ڪمپني وارا شام جو اچي بجلي بحال به ڪري ويا. ٻي مهيني بل آيو ته انهيءَ ۾ 32 ليرا (1500 روپيا) اضافي چارجز لڳا پيا هُجن. پُڇا ڪرڻ تي خبر پئي ته بجلي ڪٽي وري بحال ٿيڻ جا اهي چارجز اڃان الڳ هئا. تڏهن خبر پئي ته هتي بل جمع ڪرائڻ تي ڪيتري سختي آهي ۽ قانون جي پڪڙ پڻ. اسان وٽ انڊسٽري ۾ بجلي مهانگي آهي ته وري چوري به اُتي گهڻي ٿي ٿئي. جڏهن ته گهرن ۾ بجلي سستي آهي. جيڪا مهانگي ٿئي به ته ٽوٽي ننڊون ڪندا ڇو ته جيڪي اهڙا ٽوٽي آهن اهي ڪمائو پُٽ هوندا ڪونه جو بل جمع ڪرائن. چوري جي بجلي ڀلي ڪيڏي به مهانگي ڪنهن کي ڪهڙ پرواهه.
