
سينيئر صحافي حامد مير تي ڪراچي ۾ ٿيندڙ قاتلاڻي حملي جا رخ آء ايس آء طرف پيا وڃن. حامد مير پاڻ تحريري طور فيملي ۽ دوستن کي چيو آهي ته جيڪڏهن کيس قتل ڪيو ويو يا حملو ڪيو ويو ته ان جا ذميورا انٽيلجنس ادارا خاص ڪري آء ايس آء چيف هوندو.
حامد مير تي اڄ شاهراهه فيصل تي قاتلاڻو حملو ڪيو ويو آهي جنهن ۾ هو شديد زخمي ٿيو آهي ۽ اسپتال ۾ ڳڻتي واري حالت ۾ آهي. کيس ٽي گوليون لڳيون آهن. چيو وڃي ٿو ته مسنگ پرسن ڪيس، ماما قدير بلوچ جي سپورٽ ۽ پرويز مشرف خلاف پروگرام ڪرڻ سبب انٽيجلنس ادارا ساڻس ناراض هئا.