سنڌ سلامت ڊاٽ ڪام جي اليڪشن جون سرگرميون زور شور سان شروع هُيون. سائين سُليمان وساڻ جو هڪ دوست جيڪو جانورن جو ڊاڪٽر هو ۽ دوستن جي محفل ۾ جيڪا سنڌ سلامت هوٽل تي مچندي هُئي ان ۾ کيس (ڊاڪٽر ڍور) ڪري سڏبو هو . سائين سُليمان سندس انتخابي مهم ۾ ڀرپور حصو ورتو. سچل ڳوٺ جي هڪ انتخابي حلقي ۾ ڊاڪٽر ڍور کي تقرير ڪرڻ لاءِ مدعو ڪيو ويو پر اُتي بيهڻ لاءِ ڪو ڊائس ڪونه هو ! مُحترم ذيشان رشيد کي سامهون ڏامر جو هڪ خالي ڊرم پيل ڏسڻ ۾ آيو جنهنکي ويجهو ڪري رکيائين ۽ ڊاڪٽر ڍور ان ڊرم تي بهي تقرير ڪرڻ لڳو. تمام پُرجوش ۽ بهترين تقرير ڪيان ئين ته هٿ هلائڻ جي ڪري اوچتو ڊرم جو ترو ڪري پيو ۽ ڊاڪٽر ڍور ڊرم ۾ اندر هليو ويو. پر لمحي کان پوءِ وري هشاش بشاش ٿي ڊرم مان ٻاهر نڪري آيو ۽ اطمينان سان وري تقرير ڪرڻ لڳو! سامعين ! ته توهان ضرور مُهنجي دليلن جي وزن کي نوٽ ڪيو هوندو!
