خدارا ! نه جيئنداسون ۽ نه جيئڻ ڏيندسون جو پاليسيون ڇڏيو ! سنڌ جهالت طرف پئي وڃي!

[Sindhi Media]

RED ALERT (EDUCATE SINDH)
او دُنياوي عياشين، لذتن ۾ غرق موالي ، چرسي ، سُلفي ۽ ٺرو پي ترغيب وٺي ۽ ترغيب ڏيندڙ ، اوتارن ۽ اوطاقن، بُزرگن جي مزارُن ۾ آستان ٺاهي ويهندڙئو ۽ پلجندڙئو!
بيوس اصل ميرٽ سنڌي ۽ خاص طور واڻين جي مال ۽ ملڪيت، زر زن ۽ زمين هٿيائيندڙ ملڪيتن تي قبضو ۽ ڊاڪو هڻندڙ، يرغمال ڪندڙ ۽ ملڪ بدر ٿيڻ لاءِ مجبور ڪندڙ ڌاڙيلئو ! لُٽيرئو!
راشي ڪامورئو! قوم کي نشائي ڪرڻ وارئو! بظاهر عالم فاضل، ڏاها ڏسجڻ ۾ ايندڙ! سنڌي قوم کان علم عزت ۽ عصمت کسي جاهل ۽ مفلوج ڪرڻ وارئو! ڪاهل ۽ ڪم چور، دُهل جي ڏونڪي۽ شرنائن تي ناچ ڪندڙ، ٻوڏ ستايل، بيگهر، ڪکن ۾ رهندڙ لاچار ، بي وس، معصوم ۽ مُفلس ،بي صحت ماءُ پيءَ کان لاپرواه، پاڻ پڏائي، ڪلف جا ڪپڙا، ٽي ٽي نمائشي موبائل کڻي! وڏيرن جي پجارو ۾ هلندڙ، هروقت، هر محفل ۾ ٽرڙائي وارا وڏا وڏا ٽهڪ ڏيندڙ ڇڇورئو!
وڏيرن جا پير چٽي اُنهن جي چوسي اُڇلائل ڳنڍيرن کي چوسي چسڪو ۽ ٺڙڪ پوري ڪندڙئو! فخر ڪندڙ، ميان مٺو! بغير ميرٽ ۽ محنت سان ۽ ڪاپي ڪلچر وسيلي پروفيشنل ڪاليجن ۽ يونيورسٽين داخل ٿيندڙ! ڀوتارن ، جاگيردارن، راشي ڪامورن، پيرن، شاهن، ميرن، رئيسن جي رٿيل سازشن جا غلامئو! توهان پنهنجي انهن حرڪتن سان اڄ 7000 سال سولائيزڊ پوري سنڌ کي اڄ نشن ڀتن اپنائڻ جي علت ڪري تباه و برباد ڪري ڇڏيو آهي.
افسوس گذسشسته ويهن سالن ۾ توهانجي انهن حرڪتن ڪري ڪو هڪ ميرٽ پروفيشل سنڌي اُڀري نه آيو آهي ۽ جي جنهن ڪنهن ميرٽ غريب جو ٻار، ٿاٻا ڌڪا کائي اڳتي آيو به آهي يا اچڻ جي ڪوشش ڪئي آهي ته توهان نشائي! اُن جي رستي ۾ رُڪاوٽ بڻيل رهيا آهيو.
پنهنجي ميرٽ جا قاتلئو! ، ڪنهن بزرگ درويش جا پٽيل نشائيو! واپس ورو ! علم ڏانهن نشو ڇڏي ! علم پرايو! اي سنڌيت جا حبدار ۽ علمدارئو ۽ رکوالئو! ! نشو ۽ وڏيرو ، ڪاپي ۽ سفارشي ڪلچر ڇڏيو! سنڌ ۽ سنڌيت بچايو ! متان پوءِ دير ٿي وڃي ۽ توهانکي به واڻين وانگر پنهنجي سنڌ ۾ اچڻ لاءِ ڌارين قابضن کان ويزا وٺي اچڻي پوي ! انهن مصيبتن جو ڪارڻ توهان پاڻ هوندا! پنهنجي ميرٽ ۾ اُڀرندڙن جو قدر ڪيو ! انهن جي ليڊر شپ ۾ اڳتي وڌي ترقي ڪيو ! پنهنجو شامون هوٽلن ۽ اوطاقن تي ڪچهريءَ ، خودنمائيءَ ۽ ٻٽاڪن بجاءِ علم، خاص طور فني علم حاصل ڪرڻ ۾ گذاريو ته سنڌ وري 7000 سال پراڻي سولائيزڊ مهذب بڻجي پوي ٿي ! اي وڏيرن ۽ سُکين ستابن ۽ راشي ڪامورن جي اولاد! سستي، ڪاهلي، آرام پرستي، خود نمائي ڪري جي ڊاڪٽري، انجنيئرنگ ۽ ٻين پروفيشنل ڊگرين جو مصرف نٿا ڪري سگهو ۽ انهن ڊگرين سان سي.اي، . ايم جي ايم گروپ ٿا اپنايو! ۽ انهن پروفيشن تي ادارن ۾ ڪم ۽ ريسرچ ورڪ ڪرڻ جي اهل ناهيو! ته ڇڏيو ته توهان جا ميرٽ ڳوٺائي اها ڊگري حاصل ڪري اڳتي وڌن ۽ انهن جي رڪاوٽ نه بڻجو! ميرٽ غريبن جي نوڪري ۽ تعليم جي ڪوٽا ڪوڙيون ڊگريون ۽ ڪوڙا ڊوميسائل ٺهرائي نه ڦٻايو! نه جيئنداسون ۽ نه جيئڻ ڏيندسون جي پالسي نه اپنايو! علائقي جو نوڪريون پنهنجي ڇاڙِتن، گهر نوڪرن، ڊرائيورن، مُنشين جي وساطت سان نه وڪڻو ۽ انهن کي پنهنجي ميرٽ سنڌي ءَجي حوالي ڪريو جيڪو سنڌ جو مستقبل آهي، نه ڪه ڪو نشائي يا چرسي، آفيمي. سماجي بائڪاٽ ڪريو اهڙن دوستن جو جيڪي انهن علتن ۾ سنڌ وڪڻي رهيا آهن ته هو راه تي واپس ورن ۽ سنڌ ايندڙ نسل لاءِ وڌيڪ سولائيزڊ(مهذب) سنڌ سڏائي مهذب سنڌي پئدا ڪري!

 

[Sindhi Media]

سنڌ جا تعليمي ادارا مڪمل تباه و برباد ٿي ويا آهن ۽ ڪو علم وارو ميرٽ سنڌي نه اڳيان اچي سگهيو آ ۽ نه ئي لکڻ پڙهڻ لاِ بچيو آهي جيڪو لکڻ پڙهڻ ڄاڻي ۽ پنهنجي عقل فهم سان توهان لاءِ (قائم علي شاه ۽ وزير تعليم ، وزير صحت، وزير ڪلچر) لاءِ ڪو بهترين جملو لکي سگهي. ها باقي پيرن، شاهن، ميرن، رئيسن، جاگيردارن، وڏيرن، منسٽرن، ايم. پي. اي، ايم اين اي ، راشي ڪامورن جو اولاد، مٽ مائٽ، بورچي، ڊرائيور، گهر جا نوڪر، منشي ضرور اڳيان سنڌ ۽ فيڊريشن جي ادارم سفارشي ڪلچر سان آندو ويو آهي جيڪو يا ته ٻين صوبن جو ڪوڙا ڊوميسائل ٺهرائي، ڪاپي ڪلچر تحت اي. گريڊ کڻي اچي الاهي پروفيشنل ڪاليجن ۽ يونيورسٽين ۾ گريجوئيٽ ڊگريون ۽ سڻڀين نوڪرين تي پُهچي ويا اهن يا پئسي ۽ سفارش تي ڪوڙيون ڊگريون وٺي ادارن جي سڻڀين پوسٽن تي ويٺا آهن جيڪي سنڌ جي بدناميءَ جو باعث پيا بڻجن ڇو جو نه هڪ پيراگراف لکڻ جي اهل آهن، نه ڪميونيڪيشن ڪرڻ جي ۽ نه ئي جنهن پروفيشن ۾ ڪاپي ڪلچر ۽ سفارشي ڪلچر يا پئسن تي خريد ڪري ڪوڙي ڊگري آندي اٿن اُنهن جا ڄاڻو نه ڪنهن اداري ۾ ڪم ڪري سگهن پيا بس سڄو سکڻ يا ڪم ڪرڻ بجاءِ ڏينهن رات آفيسن ۾ ملي ڪچهرين ۾ لڳا پيا آهن انهن جون شامون به سماجي ڪمن نالي فضول ڪچهرين ۽ ٻٽاڪن ۾ پيون گُذرن ۽ راتيون شراب ۽ شباب ۾ ۽ سنڌ جي بدنامي ۽ جهالت جي نشاني پيش پيا ڪن ۽ باعث پيا بڻجن، بس رُڳو، خود نمائي ڪلف لڳا ڪپڙا، مُٺ تي چرس يا سگريٽ جا سوٽا هٿن ۾ ٽي ٽي موبائل پيرن هيٺان اڌ ڪروڙ جي پجارو يا ڪار ڏه ڏه سنڌي غلام گڏ. حالانڪه جي انهن جي خرچن ۽ عياشين کي ڏسجي ته انهن کي نوڪريءَ جي ڪا ضرورت ڪانه هُئي پر رُڳو غريب ۽ ميرٽ سنڌي دشمنيءَ ۽ غريب سنڌيءَ جو مال هڙپ ڪرڻ جي عادت ۽ کيس غلام ۽ موالي بڻائي ڪري ،کڻي هلڻ جي عادت ۾ ادارن ۽ يونيورسٽين، سماجي پروگرامن، ميڊيا چئنلس تي ويٺاا آهن . ان جو مطلب اهو ناهي ته ڪو سنڌ ۾ ٽيلنٽ ۽ ميرٽ جو فقدان آهي. 60 سيڪڙو ٽيلنٽ ۽ ميرٽ وارا آهن جن کي هي وڏيرن جا 10 سيڪڙو قابض اڳيان اچڻ ئي نٿا ڏين. نه پاڻ ٿا ڪم ڪن نه ميرٽ سنڌيءَ کي ڪرڻ ٿا ڏين. سنڌ بظاهر سوٽن بوٽن، ادبي ايوارڊن جي جاهل کان جاهل ٿيندي پئي وڃي بلڪه مُڪمل جاهل ۽ نسائي ڪلچر فروغ ٿي اڳيان اچي چڪو آهي. آخر ان جو ڪير فڪر ۽ تدارڪ ڪندو!