ٽُڪَ جون رليون سنڌ جي خوبصورت ثقافت خاص ڪري رليون هاڻي مهاجرن ۽ پنجابين جي گهرن ۾ به رکيل هونديون آهي..
پر ادي ، اهي رليون ته نقل آهن جيڪي پنجابين جي گهرن ۾ پيل آهن . هاڻي ته اسان سنڌين جي گهرن ۾ به نقلي رليون 300 تائين واريون ملن ٿيون. خاص ڪري سانگهڙ ضلعي جي ٽنڊوآدم ، شهدادپور ۽ سانگهڙ تعلقي ۾ ..
نه ادا اسان وٽ نقل ناهن ڪي، ڇو جوامان پاڻ ٺاهيندي آهي.. ٻيو ته هتي جيتريون به اسان يا آس پاس وارن ورتيون آهي انهن جي قيمت 3000 4000 5000 کان گهٽ ناهي.. ها باقي جيڪي گاڏي وارا ٿا اچن ته اهي رليون 200 ۽ 300 جون ڏين ٿا پر انهن کان عقل وارو ماڻهو ته نٿو وٺي سگهي رلي جي هڪڙي ٽڪري هڪڙي هڪڙي پني جيڏي هوندي آهي.. باقي سنهي ٽڪري ٽُڪَ واريون رليون اصلي ۽ مهانگيون هونديون آهن...
خوبصورت ڪليڪشن حسن درس جون سٽون ياد اچي ويون ”زندگي سٺي اهڙي ٽڪ جي رلهي جهڙي، مان وڇايان تون نه ويهين، ڇونه ويڙهي ڇڏيان.“
تمام خوبصورت ثقافتي رنگن سان جڙيل هٿ جو ڪم ...وڏي ڳالھ اها آهي ته هي ڊيزائينيون ٻهراڙي جون صفا اڻپڙهيل مايون ٺاهين ٿيون بغير ڪنهن جاميٽريڪل مددگار جي ، تمام ننڍيون ٽڪريون ڪٽي انهن کي پنهنجي حساب سان اهڙو ته جوڙين ٿيون جو ڏسڻ وارو دنگ رهجي وڃي . پراڻي زماني ۾ ته بازار مان ٻن روپين جو رنگ وٺي انهن ٽڪرين کي پنهنجا وڻندڙ رنگ ڏيئي نکاري دنيا کي ثابت ڪنديون هيون ته ٽيلينٽ ڪنهن سکيا يا اداري جو محتاج ناهي . اها ٻي ڳالھ آهي ته ادارن کي اڳتي وڌي پاڻ اهڙن مهان هنرن جي پٺڀرائي ڪري دنيا تائين پهچائي سنڌي ثقافت کي اڳتي آڻين . غبيد سائين اوهان سڃاڻڻ ۾ ٿوري جلدي ڪئي آهي . هي نقل نه اصل رليون( اسين شڪارپور وارا ...رلهيون چئون) آهن .اهي جيڪي نقلي چئو ٿا ، اهي پرنٽ واريون پري کان پڌريون آهن ۽ ايتري چَسَ به ڪانه اٿن
