هڪ ماڻهون هڪ کڏ کوٽي ۽ ٻي کڏ کوٽڻ ويو ته پويان وري هڪ ٻيو ماڻهون اچي ان کڏ کي واپس مٽي وجهي ڀريندو ويو. اهڙي طرح گهڻائي دفعا پهريون ماڻهون ويچارو کڏ کوٽيندو ويو ۽ ٻيو ماڻهون اچي ان کي ڀريندو ويو. مون پريان بهي اهو سمورو لقا پئي ڏٺو ۽ مونکي ٻئي ماڻهو تي بُڇاڻ اچڻ لڳي ته ! وڌي اڳيان تنبيح ڪرڻ ويوسانس آئون : ابا مٿو اچي خراب ٿيو اٿئي ڇا ! هو مزدور ويچارو گرمي ۾ ايڏي محنت ڪري کڏ کوٽيندو وڃي ۽ تون پويان ان کي مٽي وجهي ڀريو ڇڏين! ٻيو ماڻهون : قاب ! اسان ٻئي هڪ ئي محڪمي جا ملازم آهيون ! اسانجو ٽيون ساٿي مالهي به هوندو آهي جيڪو کوٽيل کڏ ۾ اچي پودا وجهندو آهي. اتفاق سان هو اڄ موڪل تي آهي. ڇا ڪريون اسانکي به ته پنهنجي ڏهاڙي پوري ڪرڻي آهي نه ! هڪ ساٿي جو ڪم کڏ کوٽڻ ۽ مُهنجو ڪم پورڻ آهي جو!
