جو ئي آھيان، سو ئي آھيان! ھندو مومن ناھيان مان! ڪو ڪيئن چوي ڪو ڪيئن چوي، آءٌ جو ئي آھيان، سو ئي آھيان! ڪو مومن چوي ڪو ڪافر چوي، ڪو جاھل نالو ظاھر چوي ڪو ساحر چوي ڪو شاعر چوي، آءُ جو ئي آھيان سو ئي آھيان! ڪو پنٿ چوي ڪو سنت چوي، ڪو باغ بھار بسنت چوي ڪو ميراثي ڪلونت چوي، آءُ جو ئي آھيان سو ئي آھيان! ڪو ملان چوي ڪو قاضي چوي، ڪو مفتي چوي ڪو غازي چوي ڪو روزيدار نمازي چوي، آءُ جو ئي آھيان سو ئي آھيان! ڪو رد چوي ڪو بد چوي، ڪو بيديني بيحد چوي ڪو مشرڪ ڀي ملحد چوي، آءُ جو ئي آھيان سو ئي آھيان! ڪو صورت ۾ انسان چوي، ڪو شر ڀريو شيطان چوي ڪو بزرگ جو مستان چوي، آءُ جو ئي آھيان سو ئي آھيان! ڪو سست چوي ڪوسرمست چوي، ڪو راه تي دين درست چوي ڪو عاشق روز الست چوي، آءُ جو ئي آھيان سو ئي آھيان! ڪو زير زبر زنديق چوي، ڪو رھنما رفيق چوي ڪو غرقي منجھ عميق چوي، آءُ جو ي آھيان سو ئي آھيان! ڪو رنگ ڪو بي رنگ چوي، ڪو مستو مست ملنگ چوي ڪو ننگي ڪو بي ننگ چوي، آءُ جو ئي آھيان سو ئي آھيان! ڪو حالي چوي ڪو قالي چوي، ڪو خاص الخاص خيالي چوي ڪو ازلي مست موالي چوي، آءُ جو ئي آھيان سو ئي آھيان! ڪو شڪ چوي ناحق چوي، ڪو بات اھا برحق چوي مونکي مرشد عبدالحق چوي، آءُ جو ئي آھيان سو ئي آھيان! ڪو خاص چوي ڪا عام چوي، ڪو پختو چوي ڪو خام چوي ڪو ’سچو‘ سچو نام چوي، آءُ جو ئي آھيان سو ئي آھيان!
