گڏيل عرب امارتن جي قومي هوائي ڪمپني اتحاد ايئرويز دنيا ۾ پهريون ڀيرو پنهنجي نئين اي 380 ايئربس ۾ هڪ نواڻ آندي آهي ۽ جهازن ۾ اهڙا اپارٽمينٽ معتارف ڪرايا آهن جيڪي 3 ڪمرن تي ٻڌل آهن، اها رهائش هوا ۾ اڏرندر اوهان جو ذاتي اپارٽمينٽ هوندو جيڪو هڪ ڊبل بيڊ روم، هڪ شاور روم ۽ هڪ ليونگ روم تي مشتمل آهي جيڪو فائيو اسٽار هوٽل جي معيار جو هوندو. رڳو اهو ئي نه پر ريزيڊنس جي رهواسي کي ذاتي بٽلر به دستياب هوندو جنهن جي تربيت لنڊن جي ناليوار سيوئي هوٽل جي اڪيڊمي ۾ ڪئي ويندي ۽ باورچي خاص مينيو تيار ڪري اوهان جي خاطرداري ڪندو. ايئر بس، اي 380 جي جهاز سروس ۾ اچڻ کانپوءِ سڀني ايئر لائنز اهڙي آندل جدت ۽ سهولتون پيش ڪرڻ جون ڪوششون ڪري رهيون آهن.
