اڄ ڪلهه سنڌي ميڊيا ۾ عورت فنڪارائن ۽ گُلوڪارائن جي اينٽري به ڌڙا ڌڙ پئي ٿئي ۽ خاص پروگرام به ڪمرشيل پيا ٿين. شايد اُهي ئي آهن جن کي سنڌي چئنلن تي ڪم جو معاوضو به ملي ٿو پو ڀلي کين سنڌي زبان ايندي هُجي يا نه ، ڊائلاڪ ڊيلوري اچي يا نه ، موالي پروڊيوسر ته بس سندن ادا ڏسي آپي کان نڪري ويندا آهن ۽ اهڙين فنڪارن جي گهڻي قدر وزٽ به اهڙن پروڊيوسرن جي دفترن ۾ رهي ٿي ته هڪ اهڙي ئي ساليووُڊ جي نئين ۽ غير سنڌي فنڪاره کان سوشل ميڊيا جرنلسٽ انٽرويو پئي ڪيو جنهن جي ڪنهن چئنل جي پروڊيوسر جيڪو پروگرام مئنيجر به هو شادي ٿيڻ واري هُئي جرنلسٽ : ميڊم ! ياد پيو اچي ته! ٻه سال پهرئين به آئون هڪ نجي ٻي زبان جي چئنل تي توهانجي شادي رسم وقت انٽرويو ڪري چُڪو آهيان! توهانجي شادي ته اُتي جي پروگرام مئنيجر حنيف سان ٿي هُئي نه! اداڪاره : (ڀرپور مسڪراهٽ سان) ها! مونکي چڱي طرح سان ياد آهي ! ته شادي ته برابر مون ڪئي هُئي ... پر مونکي ان صاحب جو نالو نه پيو ياد اچي ! الاهي چئنل جو آهن ! ڪم ڪرڻ وڃجي ٿو ته هڪ رڪارڊنگ کان پو اُتي..... جرنلسٽ : جي جي ! اداڪاره : بحر حال ! توهان چئو پيا ته ڪو 2 سال پهرئي وارو حنيف نالي هو ! ته ضرور صحيح هوندو! ڇو جو الاهي چئنل کُلي ويا آهن ڪيترن جا نالا ياد رکي سگهجن ٿا.
