اسان جي چال آ چاهت اسان جو مان آ محبت

[رسول بخش دائودپوٽه]

اسان جي چال آ چاهت اسان جو مان آ محبت
نه ڄاڻو پاڻ ڪا قلفت اسان جو نينهن آ نسبت
اڙي او دوکي جا دهمان مڙي وڃ تون منداين کان
اسان سنڌي صدين کان هون پڙهي ڏس تاريخ جي تربت
ولوڙيو وقت کي آهي نهوڙيو بخت کي آهي
اڙي او بدو تون بدروح رکي ڏس سنڌ سان صحبت
ڪروڙين ڪئي هو قاتل ها عربين ٿي اٿيا آهيون
اسان جو ساه آ سنڌ سان هلي ٿي پئي اڃا رغبت
اڙي مروان تون ماري سنڌ تي ڪئي آيا ڀاري
ڀڄي ويا هو هتان ڀاڙي جڏ ٿياسين سنڌ سان سهمت
ڏٺا سين ڏاڍ سڀ ارغونن تڏا ويڙهي ڇڏياسين تن
اسان سان آ اچايو جنهن ٿيو برباد ڀاڙي بت