ڪجي جيئن ڪيچن لئه، سو تان ڪين ڪيوءِ ويجهائي وڌوءِ، وکَ نه کَنيَئي هيڪڙي. سر حسيني سسئي ڪيوءِ = تو ڪيو ويجهائي = اينگهائي وڌوءِ = تو وڌو * او سسئي ڪيچين لاءِ جيئن توکي ڪرڻ کپندو هو تيئن تو ڪجهه به ناهي ڪيو. * رهندو سفر کي ڏکيو ڪري وڌو اٿئي، پنڌ کي ڊگهو ڪري اينگهائي وڌو اٿئي پر ڪا هڪ وک به ڏاهپ ۽ عقل سان نه کنئي اٿئي جيڪا توکي منزل تي رسائي. سمجهاڻي: ڀٽائي سسئي، محبوبَ ۽ منزلن جي ڳولائن کي هدايت ٿو ڪري ته رڳو هلندو رهڻ ڪافي ناهي، صرف جستجو ۽ تلاش ئي ڪافي ناهي پر سوچ ويچار، شعور، فهم، عقل، رٿابندي ۽ نت نين حڪمت عملين سان اڳتي وڌو ته جيئن ڪاميابيون ماڻيو. سائين مظفر منگي جي فيس بوڪ ٽائيم لائين تان ورتل
