ڌرتي سان موهہ ڏوهہ آهي ، پنهنجي ڌرتي جي نالي سڃاڻپ جو اظهار ڏوهہ آهي ، جيڪو موهہ ۽ اظهار انسان جو گڻ آهي ، انسان جي وجود جو اهم ڀاڱو ، سڀاويڪ ، وسندي ۾ جڳن کان وسندڙ انسان ، پنهنجي انساني روپ جي اظهار لاءِ ، ڌرتي سان موهہ جو اتساهہ کڻي مٿي اڀرندڙ ، تہ شڪاري ڪتن جي نوس .. نوس ، انسان بوءِ .... انسان بوءِ .... انسانن مٿان مارو ، جتي انسان نظر ايندن ، اتي وٺ وٺان ، شڪاري ڪتا جي انساني وجود ۽ گڻ کي ناس ڪرڻ لاءِ خاص مهارتي سکيا ورتل ، ڏندن ۽ ننهن سان وچڙي ويندڙ ، انساني سڀاءُ ۽ گهڻن واري چرپر ڪندڙ انسانن کي وچڙي ويندڙ ، رتو ڇاڻ ڪري .... اڌ مئو ڪري ، يا بنهہ ماري .... شڪاري ڪتا نوس نوس ڪري رهيا آهن . ماڻڪ
