چوندا آهن ته ڏکي وقت ۾ ويجهي کان ويجهو دوست ۽ سالن جو ساٿي به ذاتي مفاد خاطر دغا ڪري ويهندو آهي. ساڳيو ئي حال پاڪستان جي سڀ کان وڏي ميڊيا نيٽ ورڪ جو آهي، جو بدنصيبي جڏهن هن هن چئنل تي ڪڙڪي پئي ته هو پاڻمرادو اهڙيون ته سنگين غلتيون ڪندو ويو جو هاڻي ان جو ازالو ناممڪن آهي، هاڻي ڀلي جيو جي ٽرانسميشن ٻيهر به شروع ٿي چڪي آهي پر پو به هو پنهنجي وڃايل ساک واپس حاصل ڪري ڪينَ سگهندو ۽ نه وري کيس عوام جي اها پر جوش موٽ ملندي. ان تباهي جو نتيجو اهو نڪتو آهي ته جيو جا ڪافي ساٿي، نيوز ڪاسٽرز ۽ اينڪر پرسن ان کي مصيبت مهل ڇڏي ويا. جن ۾ جيو کي سڀ کان وڏو صدمو تڏهن رسيو جڏهن جيو جو عظيم ۽ سالن جو ساٿي ڊاڪٽر عامر لياقت حسين کانئس جِند ڇڏائي ويو!(وڌيڪ تفصيل لا رپورٽ ڏسو)
ها ادا بلڪل اهو اسان سڀني لا سبق آهي ته بي وجه ۽ بغير ڪنهن ثبوت جي، شڪ جي بنياد تي ڪنهن تي به الزام نٿو لڳائي سگهجي ۽ وطن جي خاطر قربانيون ڏيندر پاڪستان جي عظيم اداري تي هروبرو الزام هڻڻ سنگين ڏوھ آهي.
