نيڻ پنهنجا ازل کان رهيا پرين ڳولهائو تنهنجا

[منصور سرور]

نيڻ پنهنجا ازل کان رهيا پرين ڳولهائو تنهنجا
هر شب روز ٽمڪ ٽمڪ ٿي تولاءِ ٽمڪيا

هزارين ارمان هزارين خواهشون دلڙي پنهنجي ۾
احساس پنهنجا به ڌڙڪ ڌڙڪ ٿي تولاءِ ڌڙڪيا

ڪڏهن خوابن ۾ ته ڪڏهن تَصوَرن ۾ شوقِ ديدار
مُحبَ تنهنجي سڪ سڪ ۾ پئي تولاءِ سڪيا

گُل گلاب کان وڌ رابيل چمبيلي کان گهڻا سهڻا سارا
سي خيال پنهنجا مهڪ مهڪ ٿي تولاءِ مهڪيا

سارو آڪاش روشن ستارن سان تنهن کان وڌ
پنهنجا پاڪ جذبا چمڪ چمڪ ٿي تولاءِ چمڪيا

سنسار ڄڻ سونهن هُن جي ”قاضي“ اشعارن
جا لفظن لفظ جهلڪ جهلڪ ٿي تولا جهلڪيا
​

َقاضي منير احمد