آ جا چنڊ ستارن ۾ ... مِجازُ قريشي

[محمد اسلم عباسي]

آ جا چنڊ ستارن ۾
وائي​

مِجازُ قريشي​

آ جا چنڊ ستارن ۾
ٿي لاٽ ٻري انڌارن ۾
ڪو ڇا تنهنکي روڪي سگھندو
سدائين موسم خزان نه رهندو
جي ٽڙندا گل بهارن ۾
ڪو ڇا تنهنکي روڪي سگھندو
شاه، سچل ۽ سامي جي جا
تمبوري جي تارن ۾
ڪو ڇا تنهنکي روڪي سگھندو
آزادي، آزادي آهي
ڪوئل جي ڪوڪارن ۾
ڪو ڇا تنهنکي روڪي سگھندو
ڪوڙ نه قائم رهندو سائين
سچ سراسر سارن ۾
ڪو ڇا تنهنکي روڪي سگھندو​