برلن: اولهه جي ملڪن ۾ آرٽ جي نالي تي ڪجهه اهڙيون حرڪتون به ٿين ٿيون جن کي سواءِ “مڪروهه” جي ٻيو ڪو به نالو نه ٿو ڏئي سگهجي. جرمني جي شهر برلن جي رهاڪو 23 سالن جي “جول مگلر” پنهنجي چهري جي ٻنهي ڳٽن تي 3-3 انچ جا ٽڪا ڏيارا آهن، ننڍا ننڍا ڪوڪا پڻ هڻايا اٿس ۽ چهري تي ڪجهه عجيب و غريب چٽ به ڏيارا اٿس، هن جو موقف آهي ايئن ڪرڻ سان هن کي دلي خوشي ملندي آهي ۽ هو ٻين ماڻهن کان ٿورو اوپرو اوپرو به لڳندو آهي، سندس ماءُ به هن جو ڀرپور ساٿ ڏيندي آهي پر اسان جي معاشري ۾ اهڙيون حرڪتون اڃان ناهن پهتيون ۽ وري نه ئي پهچڻ کپن. ماهرن جو چوڻ آهي ته اهڙي قسم جا نوجوان پنهنجي ذاتي زندگي ۾ احساس ڪمتري جو شڪار هوندا آهن ۽ صرف ماڻهن جو ڌيان ڇڪائڻ خاطر اهڙيون حرڪتون ڪندا آهن جن سان ڪنهن قسم جو ڪو فائدو ناهي هوندو. سو اها خبر ته هاڻي “جول مگلر” کي ئي هوندي ته هن کي ڪهڙو مزو آيو.
