ادا عبدالحفيظ لغاري کي منتظم ٿيڻ تي واڌايون

[عبدالغني لوهار]

ادا عبدالحفيظ لغاري جن کي منتظم ٿيڻ تي واڌايون پيش ڪجن ٿيون ، مون اڄ ئي ڏٺو آهي

 

[عبيد ٿھيم]

سائين جن کي مبارڪون هجن.. کين اڄ ئي انتظاميه ۾ شامل ڪيو ويو آهي..

 

[رحيم بخش]

محترم ڊاڪٽر عبدالحفيظ جن کي انتظامي سٿ ۾ شامل ٿيڻ تي لک لک مبارڪون پاڻ اڳ به انتظامي سٿ سان شامل هوندا هئا ليڪن پس پرده هئا هاڻي آن اسڪرين ڏسي بيحد خوشي ٿي.

 

[سليمان وساڻ]

حفيظ کي واڌايون ...

خوشي ٿي ته اسان جو اهو دوست جيڪو اڳ انتظامي معاملن ۾ اسان جو ساٿي ته هيو پر بظاهر کيس اها ذميواري سونپيل ڪانه هئي اهو اڄ انتظامي حوالي سان باضابطه ذميواريون سنڀاليندو.

انتظامي ذميواري ملڻ جو مقصد وڌيڪ ڪم ڪرڻ هوندو آهي ..... سدا خوش هجو.

 

[عرس پريو]

محترم عبدالحفيظ لغاري انتظامي رڪن ٿيڻ تي کوڙ ساريون واڌايون هجن. هون ته پان سنڌ سلامت جي لاء هر دم ڪوشان رهيو آهي اميد ته اڃان به وڌيڪ کيس ڪوششون جاري رهنديون. وري به کيس کي کوڙ اساريون واڌايون هجن

 

[منصور سرور]

سائين جن کي لک واڌايون هجن

 

[رحيم بخش]

محترم عبدالحفيظ لغاري جن کي اسان جي پاران به لک لک مبارڪون سدا سلامت هجن.

 

[فاروق سومرو]

منهنجي طرفان ادا عبدالحفيظ کي متنظم ٿيڻ تي واڌايون هجن..

 

[رياض ملڪاڻي]

ادا ڊاڪٽر عبدالحفيظ مبارڪون.

 

[نثارابڙو]

عبدالحفيظ لغاري ۽ سنڌ سلامت ائين آهن جيئن گهر جا ٻه ڀاتي ... هميشه گڏ گڏ ... هي دوست بنا ڪنهن لوڀ لالچ يا انتظامي عهدي جي سنڌ سلامت جي اڱڻ کي اجاريندو رهيو آهي، هي دوست، اسان ڪجهه سست انتظامي رڪنن کان تمام گهڻو ڪم ڪندو رهيو آهي،
عبد الحفيظ ارادي جو پختو، وفا شعار ۽ علمي ڪاوشن لاءِ پاڻ پتوڙيندڙ انسان آهي، پڪ ئي پڪ اهڙن ماڻهن لاءِ لطيف سڳوري فرمايو هو ته ڪنهن ڪنهن ماڻهونءَ منجهه اچي بوءِ بهار جي .... سنڌ سلامت جو اڱڻ هن پياري سلڇڻي دوست جي ڪاوشن سان هٻڪاريل آهي ... ۽ اسين سڀ ٿورائتا آهيون.
سدا سلامت رهن سنڌ جا سهڻا ۽ سٻاجهڙا دوست ...
سنڌ سلامت ساٿ سلامت

 

[ايس ايم درس]

ادا حفيظ کي انتظامي رڪن ٿيڻ تي کوڙ ساريون واڌايون.

 

[ممتاز قريشي]

سنڌ سلامت جي سرگرم ساٿي ادا عبدالحفيظ جون ڪاوشون ڪنهن کان به ڳجهيون نه آهن. سنڌي ٻولي جي ترقي ۽ ڦهلا لا پاڻ ڏينهن رات پاڻ پتوڙيندا رهيا آهن. سندن ڪيل محنتن کي اسان سنڌ سلامت جي مختلف سيڪشنز ۾ ڏسي سگهون ٿا.

سائين جن کي دل جي گهرائين سان نئين باضابطه ذميواري سنڀالڻ تي کوڙ ساريون مبارڪون.

اميد ٿي ڪجي ته پاڻ پنهنجي علم، ڏاهپ ۽ تجربي سان سنڌ ۽ سنڌي ادب جي اڃان به وڌيڪ خدمت ڪندا رهندا ۽ سنڌ سلامت جي اڱڻ کي هميشه آباد ۽ شاد رکندا.

 

[Sindhi Media]

انتظامي سٿ ۾ شامل ٿيڻ تي لک لک مبارڪون. ادا عبدالحفيظ جون ڪاوشون ڪنهن کان به ڳجهيون نه آهن. سنڌي ٻولي جي ترقي ۽ ڦهلا لا پاڻ ڏينهن رات پاڻ پتوڙيندا رهيا آهن. پاڻ سنڌ سلامت جي لاء هر دم ڪوشان رهيو آهي.

 

[غلام مصطفي ميمڻ]

ادا عبدالحفيظ السلام عليڪم. ان کان وڌيڪ ڪهڙو ڏينهن سٺو هوندو جڏهن اوهان جهڙي علم جي ڄاڻو، هڏ ڏوکي، محنتي ۽ سلڇاڻي انسان جي ڪاوشن جي ڪري هن اڱڻ جي وڏن اوهان کي منتظم طور مقرر ڪيو آهي. اها هن اڱڻ جي خوشنصبي آهي .سائين منهنجا نئين ذميدارن ملڻ سان اوهين ايئن نه سمجهندا ته اوهان ماڳ تي پهچي ويا آهيو،پر وڌيڪ محنت ڪري هن اڱڻ جي منفرد يت کي قائم رکڻ جي ڪوشش جاري رکندا. اوهان کي دل جي گهرائين سان مبارڪ هجي.

 

[عبدالحفيظ لغاري]

سڀني دوستن جي مهرباني جن مان ڏنو. ٿورا مه ٿورا مون تي اوهان سڀني جا جو ايڏو مان ڏيو ٿا نه ته ڪٿي آئون ڪٿي اوهان سڀني مهان ماڻهن پاران چيل منهنجي واکاڻ ۾ لفظ.
هن فورم تي اچڻ کان پوءِ هن جو ئي ٿي رهجي وڃڻ ۾ جتي هي فورم وٺڻ ۽ ونڊڻ لاءِ ڄاڻ جو سُٺو ذريعو هو اُتي بي انتها قُرب به رهيو آهي. اهو ئي سبب آهي جو صلاح مشورن کان ويندي عملي ڪم ۾ رتي برابر پتي ڳنڍڻ جو موقعو به نصيب ٿيندو رهيو. رُڳو چوڻ جي حد تائين نه پر عملي طرح هي گهر جيان آهي. جتي سڀ گهر ڀاتين جيان آهيون.
ڪافي دفعا انتظاميه هي ذميواري ڏيڻ چاهي پر منهنجو خيال هو ته ضروري ناهي ته ليبل لڳائي ڪم ڪجي بس جيئن هلي پيو ٺيڪ آهي. ذيشان رشيد پاران انتظامي ذميواريون انتظاميه جي ڪنٽرول ۾ رهندڙ شين کي پسِ پرده رهندي سنڀالڻ لاءِ ڏنيون ويون جيڪي گُذريل تقريبن ٻن سالن کان پنهنجي وس آهر نڀايم. پر اڄ تائين سمجهه ۾ نه آيو ته انتظامي لسٽ ۾ آڻڻ ۽ ليبل هڻڻ تي رشيد صاحب جو الائي ڇو اصرار رهيو. بار بار نٽائڻ تي اٽڪل ڪندي ڪافي ڏينهن کان پوءِ اڳ ۾ واعدو وٺي ته نه نه ڪندين پوءِ ڳالهه ڪيائين. منهنجي وهم و گُمان ۾ به نه هو ته هو وري اها هُج ورجائيندو.
بس پوءِ واعدو پاڙيندي اهو سڀ ٿي ويو. هن وقت انتظاميه مان ڪافي (شايد سواءِ سليمان وساڻ جي) هڪدم ڪنهن نه ڪنهن اهڙي مجبوري سبب فورم کان ٿورو پاسيرا ٿي پيا آهن جو اها ذميداري اڳي کان ڪُجهه وڌيڪ ڳري ٿي لڳي. خاص ڪري ذيشان رشيد جو نؤڪري جي سلسلي ۾ اهڙي هنڌ هُجڻ جتي انٽرنيٽ جي مناسب سهولت نه هُجڻ فورم جي ٽيڪنيڪل ڪمن ۾ رُڪاوٽ وجهي سگهي ٿو پيو. پر اهو يقين به آهي ته هن فورم کي هلڻو آهي. بس اوهان جو ساٿ ۽ دُعا رهي ته ڪم ڪبو پيو.
مطالعو گهٽ هُجڻ ڪري لکندي مهل لفظن جي مُناسب چونڊ نه ڪري سگهڻ جي فِڪر سدائين رهي ٿي. جتي چُڪ پڪڙيو رهنمائي ڪريو جي نه ته به درگُذر ضرور ڪجو.

 

[ڪولاچي عبدل]

انتظامي سٿ ۾ شامل ٿيڻ تي لک لک مبارڪون. ادا عبدالحفيظ جون ڪاوشون ڪنهن کان به ڳجهيون نه آهن. سنڌي ٻولي جي ترقي ۽ ڦهلا لا پاڻ ڏينهن رات پاڻ پتوڙيندا رهيا آهن. پاڻ سنڌ سلامت جي لاء هر دم ڪوشان رهيو آهي.

 

[گل محمد شاه راشدي]

مبارڪ هُجيوَ