” سنڌ تنهنجي منهنجي آ “

[منصور سرور]

” سنڌ تنهنجي منهنجي آ “

نه هِن جي آ، نه هُن جي آ!
سنڌ رڳو تنهنجي منهنجي آ!
نه ڪنهن جو چونڊ نشان آ،
نه ڪنهن جي عياشي جو سامان آ،
نه ڪنهن لئه ڪو مقدس قرآن آ!
نه ڪنهن جو گيتا ۽ ڀڳوان آ،
نه هي ملڪيت ڪنهن جي آ!
سنڌ رڳو تنهنجي منهنجي آ!
نه ڪو غدار رهيو،
نه مالڪيء جو ڪوڙو دعويدار رهيو!
نه شرابن، ڪبابن تي وڪاڻيل ڪو سرداررهيو،
نه لڄ لڄائيندڙ ڪو ڀوتار رهيو،
ستل قوم جڏهن به جاڳي آ!
سنڌ رڳو تنهنجي منهنجي آ!
نه هِن جي آ، نه هُن جي آ!
سنڌ رڳو تنهنجي منهنجي آ!

ساگر سهندڙو​