ميڪسيڪو سٽي: (ع آ نيوز) هونءَ ته اوهان دلچسپ ۽ مهانگيون شاديون ڏٺيون ۽ ٻڌيون به هونديون پر هتي توهان کي اسان ٻڌائينداسين هڪ انوکي شادي جي تقريب جيڪا اوهان ڪڏهن نه ڏٺي ۽ نه ٻڌي هوندي! هن شادي جي تقريب ۾ هڪ انسان واڳون سان شادي ڪري ڇڏي، شادي جون رسمون ادا ڪرڻ وارو ڪو ٻيو نه پر ميڪسيڪو جي هڪ شهر جو ميئر آهي، جتان جي هڪ قديم رسم مطابق واڳون هڪ شهزادي آهي ۽ جيڪڏهن واڳون سان شادي ڪجي ته ان سان سمنڊ ۾ هنن جي تعداد وڌندي. مقامي ماڻهن سان گڏ شهر جي ميئر به هن شادي جي تقريب جي رسمن مان مزو ورتو ۽ پنهنجي زال سان رقص به ڪيو .
