اسان جو رهنما رهبر، درازن جو سچل آهي

[سليمان وساڻ]

سنڌ جي سدا حيات صوفي، مزاحمتي شاعر، حضرت سچل سرمست جي 193 هين عرس مبارڪ تي محترم معشوق ڌاريجو جو هي غزل عقيدت طور پيش ڪجي ٿو...

غزل

معشوق ڌاريجو

اسان جو رهنما رهبر، درازن جو سچل آهي.
اسان جي عشق جو مظهر، درازن جو سچل آهي.

سچل بيباڪ شاعر آ، سچل سرمست مستيءَ ۾،
اسان مستن سندو محور درازن جو سچل آهي.

سچل ڳايو آ همت کي، سچل ڳايو آ عظمت کي،
وفا ۽ پيار جو پيڪر درازن جو سچل آهي.

سموري سنڌ ڇا، دنيا قدم بوسي ڪري جنهن جي،
اهو سهڻو سخن پرور، درازن جو سچل آهي.

سچل وٽ حق جو هوڪو، سچل وٽ سچ جي وائي،
سچو هيرو سچو گوهر، درازن جو سچل آهي .

 

[عبدالغني لوهار]

سچو هيرو سچو گوهر درازن جو سچل آهي ، سهڻي ڀيٽا