اوهائيو (ع آ نيوز) آمريڪا جي رياست اوهائيو ۾ جسماني طور ڳنڍيل ڀائرن زندگي جا 62 سال گڏ گهاري ڇڏيا. ڊوني ۽ روني نالي ٻئي ڀائر ڪجهه مهينن کان پوءِ 63 سالن جا ٿي ويندا جنهن کان پوءِ هنن جو نالو گنيز بڪ آف ورلڊ رڪارڊ ۾ پڻ لکيو ويندو. اوهائيو ۾ هنن جي مان ۾ مقامي ماڻهن هڪ شاندار تقريب رکي، جنهن ۾ مهمانن کي رات جي ماني ۽ ڪيڪ کارايو ويو. ان موقعي تي ماڻهن ٻنهي ڀائرن جي تعريف پڻ ڪئي ۽ هنن جي حوصلا افزائي ڪندا رهيا.
