مان اعتراف ٿو ڪريان ته سنڌ هاري ڪاميٽي واري ” قومي اتحاد “ کي مان ٽٽڻ کان بچائي نه سگهيس. اصل ۾ نواب شاهه ۾ منهنجي رهائش گاهه ۾ ئي سنڌ هاري ڪاميٽي جي مرڪزي آفيس هُئي، مون کي اهو اعزاز حاصل آهي ته هاري ڪاميٽي جو قومي اتحاد منهنجي گهر ۾ قائم ٿيو هو، جنهن ۾ رسول بخش پليجو ۽ ابراهيم جويو به شامل هُيا. پر افسوس ته اهو قومي اتحاد ٽٽو به ته منهنجي ئي گهر ۾. منهنجو موقف هيو ته هر مڪتبئه فڪر جي ماڻهن کي هاري قومي اتحاد ۾ شامل ڪرڻ گهرجي پر دوستن اها ڳالهه نه سمجهي ۽ پنهنجي هٺ ڌرمي تي قائم رهيا. جنهن نتيجي ۾ اهو قومي اتحاد ٽٽي ويو. مان پنهنجي گهر اندر قومي اتحاد جي ٽٽڻ کي پنهنجي وڏي ناڪامي سمجهان ٿو. ڪاش مان ان اتحاد کي ٽٽڻ کان بچائي سگهان ها.
