ماڻڪ

[آدرش ڪليري]

چانهہ جا سُرڪ ڀريندي نهاري ٿو ٻي ٽيبل ڏانهن ، گهٽ پڙهيل ڇوڪراٽ فلمي مريضن جو جوڙو ، هڪ ڄڻو سگريٽ جو پاڪيٽ ڦاڙي ان تي فرمائش لکي رهيو آهي ، ٻيو ڄڻو پٽاپٽي شرٽ پهريل ، وات ۾ پان ، چپن ۾ سگريٽ ۽ ڪنڌ جي بيهڪ ڄڻ ڪنهن خيال ۾ گم ، هر انداز ۽ چرپر بناوٽي ايڪٽنگ سان ، گانو جيئن تہ ڪنهن شرابي جو آهي ۽ نشي ۾ چيل ، هو به ايڪٽنگ ڪري ٿو بکندڙ بناوٽ هر ادا مان .
ڀڙوو ... ٽرڙو ڀيڻسان ، ڏاڍو ٺهي ٿو ، اچيس ٿي جک ، وري سوچي ٿو ، منهنجو ڇا وڃي ، لڳو پيو آهي مولائي پنهنجي ڌم سان ، زندگي گهارڻ لاءِ ڪنهن ڌن ۾ رهڻ به ضروري آهي ، گهٽ ۾ گهٽ پنهنجي هستي جو ڪڙو احساس ته دٻيو وڃي ، مون کان ته پوءِ ب لئہ ۾ آهي ، مطمئن تہ آهي .
هي بہ ڀڙوو بوگس گانا پيو هلائي ...
ڏسي ٿو ٻاهر روڊ ڏانهن رڪشائون تيزي سان لنگهي رهيون آهن .هڪ پوڙهو مهاجر رڌل اوجهري جو ديڳڙو رکيو ويٺو آهي ، ديڳڙي جي ڀرسان اوڪڙو ويهي هڪ اڌوڙٽ سنڌي اوجهري پيو ٿو کائي .نظرون اورتي کڄي ، هوٽل جي ٻاهران پيل بينچن تي پونس ٿيون ، هڪ بينچ تي لوسي ٽائيپ ٽي شودا ويٺا آهن ، ٻن جو گلو کليل ، هڪ جي ڪنڌ ۾ پيلو رومال ويڙهيل ، سندن ڀرسان گڏ هڪ ڀورو لسو ڇوڪرو ويٺل آهي . وار وڌيل ۽ ڪڪا ، کليل گلو ، ڇاتي بنا وارن جي لسڙي نظر ايندڙ ، ڳانو پيل ، بدن جي هر لچڪ ۽ لوڏ ۾ عورتپڻو ...
لونُڊو اٿن ، رات جو ون يونٽ ڪندا هوندس ، قياس ڇوڪري تي ، هوندو ڪنهن غريب جو ٻار ، پيٽ ، زنده رهڻ لاءِ ، اڳي ، ڪڏهن ماڻيل مزي جي لذت ، ياد روپ ۾ ماڻيل مزي جي لذت ، ڪي گهڙيون ڇوڪري ڏانهن ڏسي ٿو ، لسو آ .... هڪ اندروني خواهش ، اڳ ماڻيل مزي جي لست جي تعلق سان ، ساڻس گڏ ، رات گڏ گذارڻ لاءِ دل ، دل جو وڌڻ ، وڌڻ ۽ وڌڻ ........... رانن جي وچ ۾ Erection . لڳڻ گرم گرم .....
لڙهندڙ نسل
ماڻڪ