يوٽيوب وڊيو ڊائونلوڊ ڪريو بغير سافٽويئر جي!

السلام عليڪم سنڌسلامت ساٿيو!
ڪجهه ڏينهن اڳ فورم تي هڪ موضوع موڪليو هئم ته فيسبوڪ وڊيو بغيرسافٽويئر جي ڪيئن ڊائونلوڊ ڪجي ؟؟
توهان اهو موضوع پڙهيو ۽ آزمايو به هوندو اميد ته ڪارائتو ثابت ٿيو هوندو.
پاڪستان ۾ يوٽيوب گذريل سالن کان بند آهي ۽ يوٽيوب تان وڊيو پلي ڪرڻ لا ته ڪافي جُڳاڙ موجود آهن پر اهي ڪم جا ناهن. ڪم جا ناهن جو مطلب ته اهي ڪڏهن ڪڏهن وڊيو اڌ ۾ روڪيو ڇڏين يا وڊيو جو آواز بند وغيره.

پاڪستان ۾ يوٽيوب هلائڻ جو طريقو هي آهي ته توهان ٻئي ملڪ مان ويهي يوٽيوب هلايو! جيئن ”زين ميٽ“ نالي گوگل جي هڪ ايڪسٽينشن آهي جنهن سان يوٽيوب هلي ٿو. پر ڊائونلوڊ ڪرڻ وڏو مسئلو آهي...

ته حاضر آهي هڪ ننڍڙي ٽِپ جنهن ذريعي توهان يوٽيوب وڊيو آساني سان ڊائونلوڊ ڪري سگهو ٿا ۽ اهو به بغير ڪنهن سافٽويئر انسٽال ڪرڻ جي ! آهي نه ڪم جي ڳالهه ؟؟؟
جي ڪم ڳالهه آهي ته پڙهو ۽ عمل ڪريو ! پو تبصرو موڪليو...

سڀ کان پهرين يوٽيوب وڊيو پلي ڪريو!
ان بعد www.youtube.com/wathc?yourvideo جتي لکيل آهي ان ۾ صرف ننڍڙي تبديلي آڻيو.
هيئن www.ssyoutube.com/watch?yourvideo ۽ انٽر بٽڻ دٻايو يا برائوزر ۾ ”گو“ جو بٽڻ دٻايو.

ان بعد توهان وڊيو کي پنهنجي مرضي جي فارميٽ ۾ ڊائونلوڊ ڪري سگهو ٿا. صرف ان تي ڪلڪ ڪرڻ سان
مثال : FLV 240, PG4 360 وغيره .

وڌيڪ سمجهاڻي لا حاضر آهن تصويرون.

تصوير نمبر 1


تصوير نمبر 2






(ٽيگ ڪجي ٿو) سليمان وساڻ ، فاروق سومرو ، گل سومرو ، عبدالغني لوهار ، عمران درويش سومرو ، ذيشان رشيد ، ايس ايم درس ، ابو واصف ، ابو زين ، عبدالجبار شاھ راشدي ، گورڌن ولاسائي ، عبدالحفيظ لغاري

 

تمام سٺي ۽ ڪم واري ڳالهه .... اصل هاڻ ڪم سولا ٿي ويا ..... وڊيو ڊائونلوڊ ڪري ڏٺم، بهترين .

اوهان جا ڪمپيوٽنگ ٽپس جي حوالي سان ونڊ لاجواب آهن.

 

ادا منهنجي ڏنل لنڪ تي نه هلو، توهان يوٽيوب کوليو ۽ وڊيو پلي ڪريو. جيئن ئي وڊيو پلي ٿئي ته جِتي www.youtube لکيل آهي اتي لفظ ”يوٽيوب“ جي اڳيان انگريزي اکر ”ايس“ ٻه ڀيرا لکو بلڪل هيئن www.ssyoutube لکي انٽر دٻايو.
ان کان پويان جيڪي به اکر اچن ٿا اها وڊيو جي لنڪ هوندي آهي، انهن جي ڇيڙ ڇاڙ نه ڪريو.

 

معنى ته مون واريون ٽِپس ڪم صحيح پيون ڪَن..

جمالِ هم نَشِين دَر مَن اَثر ڪَرده ،
وگرنه مَن همه خاڪم ڪه هَستم ......

 

بلڪل ادا. مون وٽ آئي ڊي ايم به آهي. يو ٽيوب هتي کُليل آهي پر آئي ڊي ايم ڊائونلوڊ پئنل يوٽيوب جي اصل فائل بجاءِ رُڳو اڳ ۾ ايندڙ ايڊ کي کڻي ٿو. هن مسئلي جو ذِڪر هڪ اڌ دفعو ذيشان رشيد سان به ڪيم پر هُن الائي منهنجي ڳالهه نه سمجهي الاءِ ڪن نه ڏِنو. نيٺ گورڌن ولاسائي جو چوڻ وٺي گوگلنگ ڪيم ته هي مسئلو واقعي ٻين سان به آهي. پر اڃان آئي ڊي ايم کان به فِڪس ناهي ٿيو.

خير جيستائين اهو ٿئي هن کان اڳ ڪلپ ڪنورٽر پئي استعمال ڪيم. هاڻ هي ڪبو.

 

آئون به فارسي مان گهٽ ڄاڻان، صرف جملي جو مطلب ڪڍيو وڃان ته چوڻ وارو فارسي ۾ ڇا پيو چوي.

اهو شعر تمام وڏو آهي ۽ مٿي ڏنل صرف شعر جو هڪ بند آهي.

شعر جو مطلب: منهنجي يار جي صحبت مون ۾ اثر ڪيو
نه ته آئون اها ئي مٽي آهيان جيڪي هئس.

 

اهو آسان آهي، مون ڪجهه ٻين دوستن کي طريقو ٻڌايو انهن به استعمال ڪيو ۽ انهن وٽ به صحيح پيو ڪم ڪري.
آئي ڊي ايم ته مون اَن انسٽال ڪري ڇڏيو! ڪڏهن ڪڏهن آڊيو ڊائونلوڊ ڪرڻ چاهيندو هئس ته صرف ايڇٽي ايم ايل ڊائونلوڊ ٿيندو هو.

 

گورڌن ولاسائي زنده آباد. ڪم ٿي ويو. آئي ڊي ايم جو فائر فاڪس سان ڳانڍاپو ڪندڙ ايڊ آن ايڪسپائر ٿي ويو هو. جيڪو هن لنڪ تان کڻي اوپن وٿ فائر فاڪس ڪيم ته ڪم ٿي ويو.

 

ادا مٿي ته تصويرن سان سمجهايو اٿم پو به سمجهه ۾ نٿو اچي ؟..
توهان يوٽيوب ڪيئن هلائيندا آهيو ؟؟؟
جيڪڏهن توهان زين ميٽ گوگل ايڪسٽينشن استعمال ڪندؤ ته پو هي توهان کي سمجھ اچي ويندو .

 

امر فياض جي ٿورن سان ... هي به ڪم واري لنڪ آهي. جنهن ۾ ڊائريڪٽ ڊائونلوڊ جي سهولت آهي

 

اها اها به واھ جي لنڪ آهي پر سائين ماکي نِجي ۾ ذائقو وڌيڪ هوندو آهي ڳُڙ مڪس ماکي کان