سنڌ جي ڄمندڙ ٻارن کي مساج ( مالش ) جي نالي ” آڍڻ “ ميڊيڪلي غلط آهي

سنڌ جي ڄمندڙ ٻارن کي مساج ( مالش ) جي نالي ” آڍڻ “ ميڊيڪلي غلط آهي
_______________________________________________________
هتي اسان سنڌين وٽ دايون يا گھرن جون پوڙهيون جيڪي ٻارن کي مساج جي بدران مالش جي نالي ” آڍ“ ڏين ٿيون انهيء آڍ جي ڪري دماغ ، مٿي ، نڪ منهن کي جيڪي مهٽا ڏين ٿيون شايد انهيء زور جي سختي اسين وڏا به برداشت نه ڪري سگھون ، جڏهن هنن ٻارن جي دماغ جا جوڙ ( سوچرن ) جي ملڻ جو وقت هوندو آهي ، جيڪي اڃان مڪمل ٿيل ناهن هوندا پوء اهو زور يا آڍ ،انهيء قدرت جي بناوٽ کي ڪڏهن ڪڏهن تباه وبرباد ڪريو ڇڏين
اهڙي ” آڍڻ “ جي طريقي کي مدي خارج يا جاهلانا طريقي سان” آڍڻ “ کي روڪڻ جي سخت ضرورت آهي ، جڏهن ته الله پاڪ هر انسان کي حسين وجميل بنائڻ جو واعدو ڪيل آهي ته پوء انهيء ٻار جي قدرت جي مصوريء کي اسين پنهنجي مرضيء سان ٺاهڻ ۽ الله جي ٺاهيل صورت کي تبديل ڪري اڃان خوبصورت بنائڻ جي ڪوشش کي هن جديد دور ۾ روڪڻ گھرجي، جڏهن ته ٻار جي ڪچڙن هڏن جي ڦري وڃڻ يا اڳتي پوئتي ٿي وڃڻ کان بچڻ لاء هڪ جڳھ تي ٻنڻ جو ٻڌڻ جو طريقو ڪافي آهي
بلڪه ، آڍڻ ، مهٽڻ کان نون ڄمندڙ ٻارن کي بچائڻ لاء صرف مساج يا هلڪي لوشن جي مالش ڪرڻ ئي بهتر آهي
اسان تعليم يافته ماڻهن ۽ ميڊيا کي انهيء بيدرديء واري مهٽ يا ” آڍڻ “ کي روڪڻ لاء پنهنجو پنهنجو ڪردار ادا ڪرڻ گهرجي

 

اهو هڪ عام رواج آهي ته گهر ۾ ٻار جي پيدائش ٿيندي ئي والدين دائين کان يا گهر جي وڏي عمر واري عورتن کان مالش ڪرائيندا آهن.
ٻارن کي آڍڻ يعني مالش ڪرڻ ميڊيڪلي غلط نه آهي. دنيا جي هر ملڪ ، هر شهر ۽ هر وسندي ۾ نون ڄاول ٻارن کي تجربيڪار عورتن کان آڍايو ويندو آهي. نقصان صرف ان صورت ۾ ٿيندو آهي جڏهن مالش ڪندڙ غير تجربيڪار هجي.

مختلف ميڊيڪل جي تحقيقي رپورٽن سان اهو ثابت ڪيو ويو آهي ته ٻارن کي مالش ڪرڻ سان هيٺيان اهم فائده ٿيندا آهن.

• مالش ڪرڻ کان پو ٻار تمام سُٺي ننڊ ڪري سگهندا آهن.
• مالش ڪرڻ سان ٻارن جو جسم مضبوط ۽ اندروني بيمارين کان بچا واري مدافعتي قوت وڌي ويندي آهي.
• نون ڄاول ٻارن جي مالش سان جسم ۾ مختلف هارمونز جو اخراج ٿئي ٿو جنهن سان ڇاتي ، ساهه واريون ناليون ۽ نڪ وغيره صاف رهن ٿا.
• ٻارن کي ذهني سڪون ملي ٿو.
• مالش ڪرڻ سان جسم جي چمڙي جو دماغ سان رابطو بهتر ٿي وڃي ٿو.
• درست طريقي سان ٻارن جي مالش جسم جي واڌ ۽ رڳن کي صحتمند رکي ٿي.
• مالش ڪرڻ سان جسم جي هر هڪ گهرڙي (Cells) کي آڪسيجن ۽ غذا وافر مقدار ۾ پهچڻ لڳي ٿي.
• ٻارن کي روزانو مالش ڪرڻ سان کين اڪيلاپ محسوس نه ٿيندي آهي ۽ کين اندروني اطمينان محسوس ٿئي ٿو.

وقت مليو ته مستقبل ۾ هن موضوع تي هڪ جامع مضمون لکي ٻارن کي درست طريقي سان مالش ڪرڻ جو طريقو ۽ احتياط وغيره تي روشني وجهندس. انشاالله.

 

سائين عبدالرحيم صاحب، توهان پاڻ سنڌ جي ٻهراڙي جي هوندي به آڍ جي خلاف؟، بابا اهو سٺو لڳي ڪانه پيو. سائين سنڌ امڙ ۾ جيڪي پراڻا طريقا آهن، اهي اسان جي وڏن جي محنت آهي، انهن ۾ فائدا آهن نقصان نه.

 

عبدالرحيم صاحب آڍڻ يا مالش ڪرڻ سنڌ جي ٻهراڙي جو پراڻو رواج آهي.