مان اعتراف ٿو ڪريان ته مون جن اعليٰ ادارن ۾ ڪم ڪيو ۽ اعليٰ عهدن تي رهيس تنهن مان فائدو وٺي مونکي به غلام اسحاق خان انسٽيٽيوٽ آف ٽيڪنالاجي جهڙو سنڌين لاءِ ڪو وڏو تعليمي ادارو قائم ڪرڻ گهرجي ها ڇاڪاڻ ته جڏهن ضياءَ جي دور ۾ سنڌ گريجوئيٽ ايسوسيئيشن ۾ سرڪاري ملازمن تي ڪم ڪرڻ جي پابندي وڌي وئي هئي ته اسان سڀ جن ۾ ڊاڪٽر سليمان شيخ به شامل هو سرڪاري ادارن ۾ ڪم ڪندا هياسين سو انهيءَ پابندي جي روشنيءَ ۾ اسان تڏهن مهراڻ ايجوڪيشن فائونڊيشن قائم ڪئي هئي جنهن جو مان سيڪريٽري هيس ۽ اڃا تائين ان جو سيڪريٽري آهيان. سو مهراڻ ايجوڪيشن فائونڊيشن جي سيڪريٽري طور به مون مٿان لازم هو ته ڪراچيءَ ۾ اهڙو تعليمي ادارو کوليان ها، جنهن لاءِ ڪنهن به ڪراچيءَ جي سنڌي وسندي مان پلاٽ به ملي سگهيو پئي ۽ فنڊنگ ادارن کان فنڊ وٺڻ جو به ڪو مسئلو نه هو. جيتوڻيڪ سنڌ ۾ اهڙو ادارو زيبسٽ جو ضرور آهي پر مونکي غريب سنڌي شاگردن لاءِ اهڙو اعليٰ معيار جو تعليمي ادارو قائم ڪرڻ گهرجي ها، جنهن جو اعتراف مان ڊاڪٽر سليمان شيخ وغيره جهڙن دوستن سان ڪندو به رهيو آهيان.
هاڻ به وقت ويو ناهي ..... سليم ميمڻ صاحب کي گهرجي ته اهڙي اداري لاء اڳتي اچي اسان سڀ ساڻس گڏ هونداسين
