ڪهاڻيڪار ۽ ناول نگار ماڻڪ جي لازوال ڪهاڻين تي مشتمل ڪتاب ”حويليءَ جا راز“ اوهان سان شيئر ڪجي ٿو. ماڻڪ جي سڃاڻ هڪ منفرد ۽ الڳ ليکڪ واري آهي، جنهن لاء مهاڳ ۾ شوڪت شورو لکي ٿو ”ماڻڪ، بي رحم، قاتل ۽ ظالم ليکڪ، سنڌي ليکڪن جي ڊگهي قطار کان هٽيل، ڪٽيل ۽ الڳ. جنهن کي سنڌ ادب جا تارا ٺيڪيدار ليکڪ مڃڻ لاءِ ئي تيار ناهن ۽ پڙهندڙ هن کي شوق سان پڙهڻ کانپوءَ گاريون ڏيندا آهن.“ هي ڪتاب الڳ به ڇپيو آهي جڏهن ته گهڻو مقبول هجڻ سبب ماڻڪ مِٽ سندوم جي نالي سان لکيل ڪتاب جو به حصو رهيو آهي. اسڪين ڪاپي ڪرزمه ويب جي ٿورن سان شيئر ڪجي ٿي. هتي ڪلڪ ڪري ڪتاب ڊائونلوڊ ڪيو
ماڻڪ جو هي ڪتاب مون ڪنهن ميلي تان ورتو هو ۽ پڙهي چپ چاپ ڪري لڪائي رکي ڇڏيو هئم ته ڪٿي بابا نه ڏسي وٺي ته ڇورو ڇا ڇا پيو پڙهي!!! سچ ۾ اهڙي تحرير پڙهڻ جو اهو پهريون موقعو هو ۽ مونکي اهو پڙهڻ کان پوءِ ڏاڍو ڊپ ٿيو هو!! مون لاءِ اهو سڀ نئون هو، ڪنهن به اڳ ۾ اهڙو نه لکيو هو يا شايد مون نه پڙهيو هو ڪجهه سال گذرڻ کان پوءِ وري اهو ئي ڪتاب پڙهڻ جي ٻاڙ ٿي ۽ ٻي ڀيري پڙهڻ کان پوءِ آئون ڪتاب جي پيش لفظ لکندڙ شوڪت شوري جي هن ڳالهه جو اعتراف ڪرڻ لڳس جنهن ۾ هُن لکيو ته ” ماڻڪ جو وڏي ۾ وڏو ڏوهه آهي ئي اهو ته هو اگهاڙو سچ پيش ڪندو آهي!!“ شايد سنڌ سلامت جو هي پليٽ فارم اهڙن ڪتابن کي پيش ڪرڻ تي تنقيد جو نشانو بڻجي پر هاڻي حقيقت تي پردو وجهڻ شايد ممڪن ناهي. بهترين ڪتابن ۾ هڪ ٻي بهترين ڪتاب جو اضافو ڪرڻ تي ادا سليمان کي واڌايون.
مون منٽو جون ڪهاڻيون به پڙهيون آهن .... سچ اهو آهي ته انهن ۾ به کليل سيڪس تي لکيل آهي ۽ سندس مشهوريء جو هڪ سبب اهو به هيو ...... ماڻڪ به اهڙو ئي لکي ٿو. جيتوڻيڪ مون سميت ڪيترائي پڙهندڙ ان کي پڙهندي اوهان وانگر ڊڄن ٿا ۽ ڪتاب جون ڳالهيون ڪرڻ کان به لهرائين ٿا ..... پر ڪتاب ته ڪتاب آهن. هو سچ ۽ اگهاڙو سچ لکي ٿو، اهڙي لکڻ، پڙهڻ ۽ شيئر ڪرڻ لاءِ به همت گهرجي. پر سچ اهو آهي ته هي ڪتاب مشهور ٿيو ۽ ادب جو حصو آهي، جيڪو مختلف وقتن تي رفرنس طور به استعمال ٿئي ٿو. ان لاء اسان جو فرض آهي ته ڪتاب کي ڪتاب سمجهي ڪتاب گهر ۾ شامل ڪيون.
ماڻڪ جو ڪھاڻي حويلي جي رازن کي فاش ڪري بلڪل چٽو ڪيو آھي، ماڻڪ سچو کرو لکيو آھي. ماڻڪ جو اھو ڪتاب مان به لڪائي لڪائي نيٺ سڄو پڙھيو، ڪنھن دوست گفٽ طور اھو ڪتاب مونکي ڏنو، پڙھڻ کان پو مان اھُ ڪتاب دوست کي واپس ڪري ڇڏيو، ان جو سبب ته اھڙو ڪتاب گھر ۾ رکڻ سان پادرن جو وسڪارو ڪڏھن به ٿي سگھي ٿو.
