اسان محبتي هون ماڻهو

[رسول بخش دائودپوٽه]

غزل

اسان محبتي هون ماڻهو، اسان پيار ئي گهرون ٿا
ڪيو قرب پنهنجو هاڻي، ديدار ئي گهرون ٿا
سنسار سڪ جو ٿي پئي، هي آس آ اندر ۾
اچ روح کي ريجهايون، اقرار ئي گهرون ٿا
بي لوث هي اسان جو، هت نينهن آ اوهان لئه
سڪ ۾ سودو سهڻا، سرڪار هي گهرون ٿا
نه هوڏ آ اسان جي، نه ڪو زوري آهي توتي
پوري ٿئي اسان جي، پڪار هي گهرون ٿا
سورن ڪيو آ سوگهو، دردن ۾ دل هڄي ٿي
ڏيو پيار پنهنجو سائين، هڪ وار ئي گهرون ٿا
لالڇ نه لوڀ آهي، ڦرندڙ فقيري آهي
تنهنجا اسان تي ٿورا، اسرار ئي گهرون ٿا


رسول بخش دائودپوٽه