اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حياتي ناهن

[Sindhi Media]

اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حياتي ناهن ۽ اُنهن جي دُعائن جا دروازا ئي بند ٿي ويا آهن. ماءُ، اگھي هُجي، سگھي هُجي، يا جھور پوڙهي؟ اُن جو حيات هُئڻ اوهان لاءِ دُعائن جي بارش مثل آهي، اڄ ماءُ جي نافرمانن لاءَ وقت آهي ته ماءُ جا پير ڌوئي پين پنهنجن زيادتين جي معافي گھُرن ۽ عهد ڪن ته هن جنت جي تحفي جو قدر ڪنداسون، يارو! سندس بددُعا به دُعا ٿي لڳندي آهي اها آهي ماءُ

 

[نثارابڙو]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

ماڻهون سڀ نه سهڻا پکي سڀ نه هنج
ڪنهن ماڻهونءَ منجهه اچي بوءِ بهار جي۔​

جيئن ته ماءُ به انسان آهي انڪري هي ڳالهيون لکانٿو ته؛

جنهن گهر جي ماءُ نيڪ پرهيزگار ۽ سگهڙ سياڻي اهو گهر جنت جي مثال هوندو آهي ۽ جنهن گهر جي ماءُ بخيل ۽ بد مزاج تنهن گهر جو مثال دوزخ جيئان هوندو آهي ۔۔۔ اهو آءُ پنهنجي ذاتي تجربي مان ٿو ٻڌايان ۔۔۔
منهنجا ٻه دوست هوندا هئا ۔۔۔ ننڍپڻ ۾ اسڪول کانپوءِ هڪٻئي جي گهر ايندا ويندا هئاسون ۔۔۔
هڪ امير دوست جي گهر ۾ جيڪا امڙ هوندي هئي سان انتهائي چڙ چڙي ۽ بدمزاج هوندي هئي ۽ هر ڳالهه ته پاراتا ۽ پٽون ۽ دڙڪا ڏيندي هئي۔
ٻي غريب دوست جي گهر جي امڙ هميشه دعائون ۽ پيار ۽ سنڀال ڪرڻ واري هوندي هئي ۔۔۔
پهرين گهر ۾ ويندي اسين لڪي ڇپي ويهندا هئاسون ته ڪٿي امڙ جي نظر نه پوي ته ڪري نه پٺي آلي ۽ ٻي گهر ۾ سڪون سان ويهندا هئاسون بلڪ ايندي ويندي امڙ دعائون ڪندي هئي ۽ پيار سان هٿ مٿي تي ڦيرائيندي هئي ۔۔۔
اڄ هن امير گهر جا سڀ ٻار هڪٻئي کان وڇڙيل ۽ هڪٻئي کان نفرت ڪنٿا ۽ هن غريب گهر جا ٻار هن وقت خوشحال ۽ اخلاقي قدرن ۾ سهڻا ۽ هڪ مُٺِ آهن ۔۔۔

http://imageshack.us​

 

[نثارناز]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

بلڪل ادا ما٪ءُ روشني جو اُهو اُجالو جنهن جي هنج ۾ اولاد لاءِ صرف آنند ئي آنند هوندو آهي، ماءُ محبتن جو اهو نالو، جنهن جي نالي اڳيان دنيا جي سمورا پيار ائين ڦرندا آهن جيئن سج جي چوڌاري سمورا گره گردش ڪندا آهن۔ ماءُ محبتن جو مٺو نالو جنهن جي مٺاس اڳيان ماکيءَ جي مٺاڻ ڪا شيءَ ڪانهي، اسان کي گهرجي ته اڄوڪي هن ماءُ جي عالمي ڏينهن تي پنهنجي پراڻن انهن ڏينهن جن جن ڏينهن ۾ پنهنجي جيجل سان اسان ترش ۽ سخت لهجي ۾ ڳالهايو آهي، يا ماءُ جي دل کي ڏُک پهچايو آهي پنهنجي انهن لهجن جي پنهنجي ماءُ کان مُعافي وٺون، ۽ پنهنجي ماءُ جو هٿ پنهنجي هٿن ۾ وٺي پيار سان انهي هٿ کي چُمي ڏئي اهو عهد ڪريون ته اهي منهنجي مٺي امان جيستائين سسيءَ ۾ ساهه آهي تيستائين توتان سدائين پنهنجي محبت وارينداسين، تيستائين اهي جيجل توسان مٺو ڳالهائينداسين ، تيستائين اي جيجل تنهنجا پير چُمي سدائين توکان دُعائون وٺنداسين۔

 

[رشيد سمون]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

سنڌ سلامت جي فيس بڪ صفحي تي لکيل سائين شفيق احمد جوکيو جا هن ڏهاڙي بابت ويچار۔۔۔

سنڌڙي
اڄ سنڌ سڄي سورن م آ
اڄ سنڌ سڄي سورن م آ
آڪاش نه چلڪيل چمڪيل آ
ڌرتي تنهن جي دلدل آ
اتر انجو اجڙيل آ
۽ ڏکڻ لاڙ ڏکايل آ
اوڀر انجو اوندهه آ
۽ اولهه باهه بگولو آ
هير هوا ڄڻ ته لک بڻي آ
ڌرياهه ڌڌڙ ۽ واري آ
سمونڊ بڻيو ڄڻ دونهون آ
منڇر ٿي ويئي ڪئوڙي آ
ته ڪيجهر ڪاري واري آ
مڇي نه ڍنڍ تي پکي رهيو آ
نه چانور سڳداسي پلو رهيو آ
ديبل جي ويو دٻجي آ
ته شهر ڪراچي به ڪين رهيو آ
ڪاڇو موت جو پاڇو آ
گورک م نه گل کليو آ
رني ڪوٽ جي ويو ڦٽي آ
ته نيرون ڪوت به ڪٽ چڙهي آ
ڪارونجهر کاڻ نه ڪوئلو آ
ٿر ويو بڻجي بنجر آ
سکر سڙيو ته بکر ڀريو آ
ٺٽو ننگر لوسٽ ٻوسٽ آ
نه ڄام نندو ۽ تماچي آ
نه راڻي نوري نماڻي آ
نه مخدوم بلاول شهيد ئي آ
۽ شاهه عنايت صوفي صاف شهيد ئي آ
نه عبدالڪريم بلڙي وارو فنا في الله
شاهه ڀٽائي جي رڳو دعا رهي آ
نه محمد امين ٺٽوي مخدوم ئي آ
۽ نه مخدوم محمد هاشم ٺٽوي آ
نه لعل لنواري مخدوم محمد زمان آ
نه سرور نوح مخدوم هالائي آ
اڄ سنڌ سڄي سورن م آ
نه پير محمد راشد روضي ڌڻي آ
۽ سورهيه بادشاه شهيد اعظم آ
نه جلاوطن سنڌ امام عبيدالله سنڌي آ
۽ مجاهد سنڌ مولانا محمد صادق کڏي وارو آ
نه منطوم شاعر علامه حاجي احمد ملاح
شڪارپور ٿي بيڪار پور آ
نه الله بخش سومرو شهيد آ
۽ سن جو سائين جيم سيد ئي آ
لاڙڪاڻو ته ڪاڻو آ
ڪين رهيو ڪو سياڻو آ
نه ڀٽو شهيد ۽ راڻي بينظير ئي آ
۽ مرتظي ڀٽو مير ئي آ
نه راهو فاضل راهو شهيد آ
اڄ سنڌ سڄي سورن م آ
اڄ سنڌ سڄي سورن م آ
جوکيو مسڪين، شفيق به اڄ مايوس آ
​

 

[رشيد سمون]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

اڄوڪي ڏهاڙي تي مون کي اردو جي مشهور مرزا اديب جي ڪتاب ”مٽي ڪا ديا“ جون ڪجهه سٽون ياد ٿيون اچن۔۔۔
”بابا مون کي ماريندو هو ته امان اچي بچائيندي هئي۔۔۔ هڪ ڏينهن مون سوچيو ته جيڪڏهن ڪڏهن امان ماريو ته بابا ڇا ڪندو۔۔۔؟ اهو ڏسڻ لاءِ مون پلان ٺاهيو۔۔۔ هڪ ڏينهن امڙ ڏهي وٺڻ لاءِ چيو ته مان نه وٺي آيس۔۔ جڏهن مون کي ٻوڙ گهٽ ڏنائين ته وڌيڪ وٺڻ لاءِ دانهون ڪيم۔۔۔ مٿي کٽ تي ويهي ماني کائڻ لاءِ چيائين ته مون انڪاري ٿي پٽ تي کاڌي ۔۔۔ ڪپڙا صاف رکڻ جو چيائين ته مون ڄاڻي واڻي ميرا ڪيا۔۔۔ اهڙن ڪارواين کان پوءِ مون کي پڪ هئي ته امان هاڻي نه بخشيندي پر ۔۔۔ رب پاڪ جي خلقيل اهڙي ذات مون کي سيني سان لڳايو ۽ چيائين ۔۔۔ ”صدقي ٿيانءِ پٽ تون بيمار ته ناهين۔۔۔ “ ۔۔۔ اهو ٻڌي منهنجي اکين بندن رڪڻ جو نالو ئي نه ٿي ورتو۔۔۔“

واقعي دوستو اهو سڀ ڪجهه ماءُ ئي ڪري سگهي ٿي۔۔۔

 

[نثارابڙو]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

اڄوڪي ڏهاڙي تي مون کي اردو جي مشهور مرزا اديب جي ڪتاب ”مٽي ڪا ديا“ جون ڪجهه سٽون ياد ٿيون اچن۔۔۔
”بابا مون کي ماريندو هو ته امان اچي بچائيندي هئي۔۔۔ هڪ ڏينهن مون سوچيو ته جيڪڏهن ڪڏهن امان ماريو ته بابا ڇا ڪندو۔۔۔؟ اهو ڏسڻ لاءِ مون پلان ٺاهيو۔۔۔ هڪ ڏينهن امڙ ڏهي وٺڻ لاءِ چيو ته مان نه وٺي آيس۔۔ جڏهن مون کي ٻوڙ گهٽ ڏنائين ته وڌيڪ وٺڻ لاءِ دانهون ڪيم۔۔۔ مٿي کٽ تي ويهي ماني کائڻ لاءِ چيائين ته مون انڪاري ٿي پٽ تي کاڌي ۔۔۔ ڪپڙا صاف رکڻ جو چيائين ته مون ڄاڻي واڻي ميرا ڪيا۔۔۔ اهڙن ڪارواين کان پوءِ مون کي پڪ هئي ته امان هاڻي نه بخشيندي پر ۔۔۔ رب پاڪ جي خلقيل اهڙي ذات مون کي سيني سان لڳايو ۽ چيائين ۔۔۔ ”صدقي ٿيانءِ پٽ تون بيمار ته ناهين۔۔۔ “ ۔۔۔ اهو ٻڌي منهنجي اکين بندن رڪڻ جو نالو ئي نه ٿي ورتو۔۔۔“

واقعي دوستو اهو سڀ ڪجهه ماءُ ئي ڪري سگهي ٿي۔۔۔

يار رشيد اڄ وري اکين آب اگوندرو وهايو آهي، اوهان لنڪ ئي اهڙي ڏني جو ڏسڻ کان بغير رهي نه سگهيس، پر ڏسڻ کانپو مرزا صاحب جي ڳالهه تي اکين سارنگ وهايو ۔۔۔ معاف ڪجو مون اڳ اوهانجو اهو ونڊ ڪيل ما تي سهڻو ليک نه ڏٺو هو ۔۔۔ ۽ جوکئي صاحب وارو ليک پڻ منهنجي نظر مان نه گذريو هو ۔۔۔
لک ٿورا ۔۔۔

 

[مست]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

سائين رشيد اوهان جي هن بهترين ونڊ تي منهنجيون اکيون پنهنجي پاڻيءَ کي نه روڪي سگهيون۔۔ ماءِ واقعي اهڙي هستي آهي۔۔ الله اسان جهڙن دوستن کي پنهنجي ماءُ جي عزت ڪرڻ جي توفيق ڏئي۔۔

 

[ممتاز علي وگهيو]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

جڏهن الله جي رحمت ۽ شفقت جي ڳالهه ڪئي ويندي آهي ته اهيو چيو ويندو آهي ته ( الله ته ماء جي رحمت ۽ شفقت کان به ستر دفعا يا ستر هزار دفعا وڌيڪ رحمت وارو ۽ شفيق آهي )، جڏهن رحم رحمت ۽ شفقت جي ڳالهه نڪري ٿئي ته پوء ماء جو ئي نالو ورتو وڃي ٿو ۽ ماء جو ئي مثال ڏنو وڃي ٿو، شايد ان ڪري ته ماء اها هستي آهي جيڪا هن ڌرتي تي پنهنجي ٻچي سان وڌ ۾ وڌ پيار ڪندڙ، ۽ شفقت ڪندڙ آهي، هن ڌرتي تي ماء جو شايد ٻيو مدمقابل آهي ئي ڪو نه۔
ماء جي ڏهاري جي نسبت سان مان هڪ مضمون ۽ وڊيوز ( عظيم هستي ماءُ ) جي نالي سان سنڌ سلامت تي پڻ ونڊ ڪري چڪو آهيان جنهن کي ڏسڻ لاء ڪلڪ ڪري ڏسي سگهجي ٿو۔

 

[ALI AKBAR SHAR]

جواب: اڄ ماءُ جو ڏينهن آهي، ماءُ ڇا آهي، اُنهن کان پُڇو جن جون مائرون هن دُنيا ۾ حيات

ادا اسان سنڌ ۾ ته ما ء لاءِ کي خاص ڏينهن نه هوندو آهي هر ڏينهن ماء جو هوندو اهي