سياسي نظم (سياست)

[عمران درويش سومرو]

سياست



هِي مُلڪُ تماشو آ، تماشائي آسياست
بي ڍنگ ۽ بيڪار هَٿَن آئي آ سياست


رِياسَتَ سَندَي نِظَامَ کي بَدِلِڻَ جَڏهن هَلِي
مِرگهيءَ جِيان ڪِنهن بُوٽَ سان ماٺائي آ سياست


ڌرڻن ۾ وٺي ويو ، ته ڪنهن ٽي ويءَ تي رلايو
ڄَڻُ ڳائڻيءَ جي گَهرَ جي ڪا ڄائي آ سياست


ڪنهن کي نه سمجهه آئي سياست جي الف ب
ڪِن ڄَڻُ پنهنجي هٿن سان نِپَائِي آ سياست


درويش ڇو هَرُو ڀَروُ ٿو ذهن کپائين؟
هِنَ مُلڪَ ۾ بَيڪار ۽ اجائي آ سياست



عمران درويش سومرو




​

 

[سليمان وساڻ]

درويش ڇو هَرُو ڀَروُ ٿو ذهن کپائين؟
هِنَ مُلڪَ ۾ بَيڪار ۽ اجائي آ سياست


درويش بلڪل صحيح .... پر ڏوهه سياست تي نه ڏيو ... ڏوهه سياستدانن جو آهي جن سياست کي بدنام ڪيو آهي. سياست ۾ ڪي سٺا نالا به آهن جيڪي سدائين ياد رهندا.

سياست ان ڪري به بدنام آهي جو اسان جهڙا ماڻهو سياست کان ڀڄي پاسو ٿا ڪن. ٿيڻ ته ايئن گهرجي جو سٺا ماڻهو سڀ هڪ هنڌ گڏ ٿين ۽ سٺي سياست ڪن.

 

[عبدالحفيظ لغاري]

درويش هتي جي سياست جي ڳالهه ڪئي آهي. جيڪا بلڪل ايئن آهي جيئن درويش لکي