سائل مهراڻ
سينيئر رڪن
مخمور رضا ميمڻ
ﻏـــــــــــــــــــــــــــﺰﻝ
باهه پويان ۽ اڳيان گهري ندي آ
موڙ اهڙي تي هي بيٺي زندگي آ
ديوَ جهڙي هن وڇوڙي کان ڇڏائڻ
جان پنهنجي ٿي پئي ڏاڍي ڏکي آ
هر تقاضا آ ضروري ٿو مڃان پر
زندگيءَ ۾ عشق ڀي ير! لازمي آ
نيڻ منهنجا ئي رڳو ڏوهي نه هن پر
سونهن لئه هر اک هتي آسائتي آ
دل اسانجي ڍنڍ آ جنهن ۾ , اوهانجَي
ياد جي ٻيڙي سدا ترندي رهي آ
سرخ خوابن جي لڳي تعبير پويان
زندگاني موت جي ويجهو پُڳي آ
باک جهڙي ڇوڪري ! "مخمور" جي هن
دل ۾ تنهنجي چاهتن جي روشني آ