”نرمل“ کوهارو سنڌي شاعريءَ جي صنف وائي ”وائي“ سوال: وائي ڇا آهي؟ جواب: سنڌي شاعريءَ جي اهم صنف آهي، جنهن ۾ عشق محبت ۽ وحدت جو ذڪر ڪيل هوندو آهي، وائي جي پهرين بند کي ٿلهه چئبو آهي، جيڪو اڪثر ڪري ٻه اڌ ٿئي ٿو ۽ ٿلهه کان سواءِ باقي مصرعون (سٽون) الڳ الڳ ٿين ٿيون جن جو قافيو آخر ۾ اچي ٿو، بناوت جي لحاظ کان وائي هيڪوڻي، ڏيڍوڻي ۽ ٻيڻي پڻ ٿيندي آهي، جنهن جو وزن ڇندوديا تي رکيل هوندو آهي. سوال: ”وائي“ جي معنيٰ ڇا آهي؟ جواب: ”ڳالهه ٻولهه“. سوال: وائيءَ کي چوٽ تي ڪنهن رسايو؟ جواب: حضرت شاهه عبداللطيف ڀٽائي. سوال: مثال طور لطيف سائينءَ جي ڪا به وائي ٻڌايو؟ جواب: سڄڻ ٻاروچي ذات، دلبر ٻاروچي ذات جاني جت وٺي ويا، روهه ۾ پيين رات ڪهي ڪميڻي هليا، اديون آڌي رات ملان محبوبن کي، وهاڻي پرڀات اڌيون عبداللطيف چئي، ڏاتر ڏيندم ڏات. سوال: وائي جي شڪل ڪهڙي صنف سان ملندڙ جلندڙ آهي؟ جواب: ”گنان“ سان.
جواب: سنڌي شاعريءَ صنف وائي يار نرمل سچ ٻڌاٌءِ ته سنڌي ادب ۾ ايم اي ڪري رهيو آهين يا ڪري چڪو آهين ۽ هاڻ ڪٿي پڙهائڻ شروع ڪيو اٿئي ۔۔۔ سچي ڪر ۔۔۔ ڇاڪاڻ ! ايئن ٿو لڳي مون ٻيهر سنڌي ڊپارٽمنٽ ۾ داخلا ورتي آهي ۔۔۔ مهرباني، پراڻيون يادوگيريون موٽائڻ تي ۔۔۔
