ڪهڙيون عيدون ڪهڙا ميلا:اسحاق تونيو

[عبدالرحيم گجراڻي]

ڪهڙيون عيدون ڪهڙا ميلا

وانگي ڪاٽن بک جا ويلا

سڀڪو سور پيو سانڍيون سانڍي

ڪوئي ماسا ڪوئي تولا



دين ڌرم جو دوکو ڏئي هو

روز اچن پيا ٽوليون ٽولا

شهر بحر تي قبضا ٿي ويا

ڦرجي ويا سڀ ٻنيون ٻيلا



ڀنگي بشني ليڊر چونڊي

چئون پيا مولائن جو مولا

پاڻ وڃائي ويٺا آهيون

سنڌو سمڊ ۽ سڀ وسيلا



سکڻيون ڀڀڪيون سکڻا نعرا

روز ٻڌون نئين واويلا

جي ڪرڻو ٿي اُٿ ڪر اسحاق

راهه ۽ رستي جي ڪا ڳولا