HTML چئن اکرن جو مجموعو آهي، جنهن جو فل فارم آهي، HYPERTEXT MARKUP LANGUAGE ، هيءَ هڪ ڪمپويٽر لينگويج آهي. سڀ کان پهرين اهو ٻڌايان ته ڪمپيوٽر لينگويج ڇا آهي؟ جيئن ته توهان سڀ اها ڳالهه ڄاڻو ٿا ته لينگويج هڪ اهڙو ذريعو آهي جيڪو ٻن انسانن جي وچ ۾ رابطو پهچائڻ لاءِ استعمال ٿيندو آهي. پر جتي ڪمپيوٽر لينگويج جي ڳالهه ٿئي ته اسان چئي سگهون ٿا ته هيءَ هڪ اهڙي زبان آهي جيڪا انسان ۽ ڪمپيوٽر جي وچ ۾ ڪميونيڪيشن جو ڪم ڪري ٿي. هن ڳالهه کي اسان هن طرح به ڊيفائن ڪري سگهون ٿا. Computer language is a way of communication between man and computer, that tells the computer what men wants. HTML هڪ اهڙي لينگويج آهي جيڪا اسان کي ويب پيج ٺاهڻ ۾ مدد ڪري ٿي. هن لينگويج جي سڀ کان وڏي خصوصيت اها آهي ته هن جي لاءِ ڪنهن خاص سافٽ ويئر جي ضرورت نه پوندي آهي بلڪه توهان هن جي ڪوڊنگ ڪنهن به ٽيڪسٽ ايڊيٽر ۾ ڪري سگهوٿا، جيئن WORDPAD, NOTEPAD پر انهن مان نوٽ پيڊ جي اهميت وڌيڪ آهي. HTML جا ڪجهه قائدا ۽ قانون آهن، آئون اهي سڀ قانون شروع ۾ ٻڌائي توهان کي پريشان نه ٿو ڪرڻ چاهيان، پر آهستي آهستي ٻڌائيندو رهندس، في الحال صرف توهان حساب (ميٿ) جو هڪ فارمولو ياد رکو ته جڏهن به ڪا بريڪيٽ کولبي آهي ته ان کي لازمي طور تي بند ڪبو آهي نه ته جواب درست نه ايندو آهي، HTML هن قائدي کي ٽيگس جو نالو ڏئي ٿي. اهي ٽيگس LESS THAN > ۽ “ < GREATER THAN” جي مدد سان لڳائبيون آهن. سڄي ايڇ ٽي ايم ايل ۾ هي قانون ياد رکڻو آهي. هاڻي اچو ته باقائدي ايڇ ٽي ايم ايل شروع ڪيون، سڀ کان پهرين NOTEPAD پروگرام کوليو ۽ هيٺ ڏنل ڪوڊنگ ٽائپ ڪيو. <HTML> <HEAD> <TITLE>MY FIRST WEB PAGE</TITLE> </HEAD> <BODY> <H1>Welcome to World</H1> </BODY> </HTML> هاڻي توهان ان فائل کي D: ڊرائيو ۾ محفوظ ڪيو پر ياد رکو ته فائل جو نالو ۽ ان جو ايڪسٽينشن .HTM يا .HTML ضرور رکو نه ته اسان جو فائل ٽيڪسٽ فارميٽ ۾ محفوظ ٿي ويندو. هاڻي توهان ان ڊرائيو ۾ وڃي ان فائل کي ڊبل ڪلڪ ڪري هلائي ڏسو ته توهان ڏسندوء ته توهان جو ويب برائوزر Mozilla Firefox, Chrome, Internet Explorer يا جيڪو توهان استعمال ڪندا آهيو ان ۾ ويب پيج هلي ويندو ۽ رزلٽ ۾ Welcome to World لکجي ايندو.
ادا تمام سٺو سمجهايو اوهان پر مارڪ اپ لينگئيج ۽ پروگرامنگ لينگئيج ۾ تمام گهڻو فرق آهي. اوهان تعارف پروگرامنگ لينگئيج جو ڏنو آهي، جڏهن ته سکيا مارڪ اپ لينگئيج جي آهي...
ادا سجاد علي چنا صاحب توهان بلڪل درست فرمايو ته مارڪ اپ ۽ پروگرامنگ لينگويج ۾ تمام وڏو فرق آهي، پر ٻنهي لا سخت محنت ۽ توجه جي ضرورت آهي، مارڪ اپ لينگويج ۾ به اهو ئي ڌيان ۽ شوق رکڻو پوندو جيترو پروگرامنگ لينگويج ۾ رکبو ان لا لينگويج سکڻ تمام ضروري آهي، پو اها ڪهڙي به هجي.
بالڪل آفتاب.. تنهنجي محنت رنگ لائيندي......... هتان گهڻا دوست پرائيندا.. ڀلي پوءِ فيڊ بيڪ ڏيڻ ۾ ڪنجوسي ڪن.. پر اوهان جي هيءَ محنت رائگان نه ويندي..... اميد ته ريگيولر ٽيوٽرل پيش ڪندئو...
جي ادا بلڪل صحيح فرمايو اٿو، الله سائين کان دعا آهي ته مونکي همت ڏئي ته آئون ڪجهه پنهنجي قوم جي لا ڪجهه ڪري سگهان، پنهنجي سنڌي قوم کي سکيا جي تمام گهڻي ضرورت آهي، انگريزي ۽ اردو ۾ ڪافي ڪم ٿي چڪو آهي، پر افسوس پنهنجي سنڌي ٻولي ڪافي پوئتي آهي، پاڻ سڀ ملي هن پليٽ فارم تان پنهنجو فرض نڀايون ته هڪ ڏينهن ڪاميابي ضرور پنهنجا قدم چمندي.
الله پاڪ توهان کي استقامت عطا فرمائي . هي تمام اهم ٽٽوريل آهن، جيڪي بنيادي آهن ۽ نون سيکڙاٽ دوستن کي تمام گهڻو فائدو ڏيندا. سٺي محنت آهي جاري رکو. ڪلاس 3 جو انتظار آهي.
بهترين دوستن جي سهولت لاء سڀني سبقن جون لنڪس هڪ جاء تي شامل ڪجن ٿيون. HTML ڪلاس 1 HTML ڪلاس 2 HTML ڪلاس 3 HTML ڪلاس 4 HTML ڪلاس 5
ماشآء الله بهترين ڪوشش آهي. دوستن جي سهولت لاء سڀني سبقن جون لنڪس هڪ جاء تي شامل ڪجن ٿيون. HTML ڪلاس 1 HTML ڪلاس 2 HTML ڪلاس 3 HTML ڪلاس 4 HTML ڪلاس 5
