هر وک تي آ عذاب سائين

[جبار آزاد منگي]

غزل
جبارآزاد منگي

هر وک تي آ عذاب سائين،
هر محفل آه ڪذاب سائين.

فريبي مرڪون سجائي مُک تي،
دوست اندر ۾ ڪساب سائين.

مسڪين ماڻهو ماري مڪر ۾،
شب روز ملهائي شباب سائين.

لوفر رهزن بڻيو رهبر،
بند قانوني ڪتاب سائين.

ڪوڙ جي منهن ۾ ڌوڙ نه ڪائي،
سچ ٿي ويو آ حجاب سائين.

رشتا رويا بدليو زمانو،
محبت ۾ هاڻي حساب سائين.

نينهن جا هڻندي نعرا نعرا،
سورهيه ٿي ويو ڪباب سائين.

دغا ۽ دوکي ۾ جو جيئي،
حياتي ان جي حباب سائين.

”آزاد“نه ڪوئي هتڙي آهي،
غلام جو ويڙهيل نقاب سائين.

 

[سجاد علي چنا]

ڪوڙ جي منهن ۾ ڌوڙ نه ڪائي،
سچ ٿي ويو آ حجاب سائين.

واهه

 

[راشد علي چانڊيو]

فريبي مرڪون سجائي مُک تي،
دوست اندر ۾ ڪساب سائين.

بهترين سائين