پيارا سنڌي دوستو ۽ ساري دنيا جا سنڌي ساٿيو، هي شاعري جنهن کي مون ” هِي سنڌ سلامت رهڻِي آ“ جو نالو ڏئي نظم جي شڪل ڏني حقيقت ۾ هي شاعري قديم سنڌ جا جديد نعرا آهن، نعرا ڇا آهن هن نظم جي هر بند ۾ هڪ دُعا آهي، ساڌا ۽ آسان لفظ ڪتب آندا اٿم، در اصل هي شاعري اڄ چانڊوڪي بابا جي ڏنل سنڌي لنڪ ۾ اڄ مشاعري ۾ سنڌي لنڪ جي دوستن سان شيئر ڪرڻي هُئم پر واپڊا زنده آباد، بجلي وارا زنده آباد جو ڄاڻايل وقت تي مائِي بجلي صاحبه ڪنهن رُسڻي محبوبه وانگر ٺينگو (آڱوٺو) ڏيکاري وئي، جڏهن بجلي صاحبه آئي ته اڄ آچر جو ڏينهن هو ساري شهر ۾ شادين جون دعوتون هيون ان ڪري شاديون کاڌيون سين اجهو هينئر واندو ٿيو آهيان هن شاعريءَ کي تصويري شڪل ڏئي سنڌ سلامت جي محبتي اڱڻ تان سڀني سنڌي دوستن سان ونڊ پيو ڪريان، دوستو ڪالهه جڏهن هن نظم جي تخليق ٿي پئي اُن وقت ٽنڊو محمد خان شهر جو بهترين راڳي ماسٽر جانب علي بلاولي مون وٽ موجود هو، اڃان هن نظم جو مطلعو ۽ ڪچو هڪ بند تيار مس ٿيو هو ته ماسٽر جانب علي بلاولي اڄ ڪلهه جي مشهور بلوچي ڌُن ليوا واري ڌُن تي هن نظم جي هڪ بند کي ڪمپوز ڪري ڇڏيو سو انهي وقت يوليڊ ۾ ماسٽر جانب بلاولي جي آواز کي ڪمپوز ڪري ڇڏيم اهو پڻ آڊيو جي صورت ۾ هن نظم سان گڏ توهان سان ونڊ پيو ڪريان۔ پيش آهي سنڌ سلامت جي اڱڻ جي پنهنجي شاعري ” هي سنڌ سلامت رهِڻي آهي” [MP3]http://www.fileden.com/files/2009/12/2/2672587/see.mp3[/MP3]
جواب: هي سنڌ سلامت رهڻِي آ (نظم) جي ادا ناز، سنڌ سدا سلامت رهڻي آ، رب جي رضا سان پنهنجي پيٽان پئدا ڪيل ماڻهن جي لئه پنهنجي ڪک مان سدائين ساوا سلا ڪڍندي رهندي، پنهنجي گهراين مان پاڻي جي امرت ڌارا ڪڍندي رهندي، پنهنجي سينڌ جي جڳهه وٽان سنڌو کي وهائيندي رهندي، پنهنجي ٿر جي وارياسي مان گرمي ۽ پنهنجن جبلن مان ٿڌاڻ ڏيندي رهندي ۔۔۔ ۽ دعا آهي ته منهنجو سمورو ايندڙ نسل سنڌ ۾ ئي پئدا ٿئي ۽ سنڌ سان ئي وابسته رهي ۔۔۔ آمين
جواب: هي سنڌ سلامت رهڻِي آ (نظم) ”نرمل“ کوهارو اچو ته سنڌ جا ٿيون سلامي ، جهمريون پائي جيئون جاني. ڳايون گيت سنڌڙي جا، فرض نڀايون جندڙي جا، آ ماٿي لايون مٽڙي جا، سڀ وير ڀلايون دلڙي جا، قرض چڪايون امڙي جا، اچو ته سنڌ جا ٿيون سلامي، جهمريون پائي جيئون جاني. نعرا لڳايئي نينهن وڌايون، جمالو ڳائي خوشيون ملهايون، گهوٽ ڀٽائي ڪر تون سڻايون، پيغام تنهنجي کي سيني لايون، دعا لاءِ تنهنجي در ٿا ٻاڏايون اچو ته سنڌ جا ٿيون سلامي ، جهمريون پائي جيئون جاني. ڀيڄ ڀٽائي، ڀيڄ قلندر، ڀيڄ بخاري، شال آباد ڪرين تون سنڌڙي ساري، فيض قيام تائين رهندو تنهنجو جاري، نيٺ خوشحال ٿيندي سنڌڙي ناري، چارو طرف مچندي هتي گل گلزاري، اچو ته سنڌ جا ٿيون سلامي ، جهمريون پائي جيئون جاني. ”نرمل“ لائي رکج پريت جي آس، چڙهڻو پوي جيڪر توکي ٽياس، نه ٿجي تون ڪنهن وقت اداس، دشمن ٿيندو هڪ ڏينهن ناس، ڪوري ڇڏين ڀل تنهنجو ماس، اچو ته سنڌ جا ٿيون سلامي ، جهمريون پائي جيئون جاني.
جواب: هي سنڌ سلامت رهڻِي آ (نظم) مهرباني ادا نثار ابڙا جو منهنجي ئي هن نظم جي تسلسل کي برقرار رکندي تو سموري سنڌ کي ۽ سنڌين کي شاهه سائين جي انهي بيت وانگر “سائين سدائين ڪرين مٿي سنڌ سُڪار” تو پڻ کوڙ ساريون دعائون ڏنيون، الله سائين ۾ آس اٿم ته دُعائن سان گڏ اسين سڀ سنڌي جيجل سنڌ جي جياپي ۽ آجپي لا پنهنجا ڳچين ڳاٽ به سنڌ مٿان قربان ڪري سنڌ جي حقيقي اولاد وارو فرض نڀائينداسين (آمين)
جواب: هي سنڌ سلامت رهڻِي آ (نظم) ادا نرمل اها منهنجي تمام گهڻي خوشنصيبي آهي جو منهنجيءَ شاعري کي پڙهي توهان جي دل بي اختيار اهو چوڻ تي مجبور ٿي پئي ته ” اچو ته سنڌ جا ٿيون سلامي، جهمريون پائي جيئون جاني“ پيارا نرمل سنڌ جيجل لاءِ جيترو به ڪريون تمام ٿورو آهي، اسان سنڌ حلالي پُٽن ۽ نياڻين تي اهو فرض آهي ته سنڌ جا گيت ڳلي ڳلي ڳايون، سنڌ جي جياپي لاءِ وڙهون ۔ لک لائق۔
جواب: هي سنڌ سلامت رهڻِي آ (نظم) هي روزِ اول کان رهڻي آ هي روز ازل تا رهڻي آ هر دور ۾ طاقت رهڻي آ هي سنڌ سلامت رهڻي آ محترم سائين نثار احمد ناز صاحب بلڪل سنڌ سلامت تا قيامت رهڻي آ تمام بهترين ۽ لاجواب لفظن سان سَرشار اوهان جي هي شاعري واقعي لاجواب آهي۔ سنڌ سلامت رهڻي آ سنڌ سلامت رهڻي آ
جواب: هي سنڌ سلامت رهڻِي آ (نظم) جيتوڻيڪ اسانکي ناز ئي نوائي وڌو هو پر مٿان وري نرمل به پنهنجي اوت سان اسانجي دلين تي جا پلوٽ ڪئي سا به انتهائي وڻندڙ ۽ اتسهائيندڙ آهي ۔۔۔ خوشنصيب آهي سنڌ سلامت جو هي اڱڻ جنهن تي سنڌ جا سڄڻ ڪٺا ٿين ٿا ۽ پنهنجي گفتار سان اسانجي ستل روح کي جهونجهاڙن ٿا ۔۔۔ سلام دوستو! سلام دوستو!
جواب: هي سنڌ سلامت رهڻِي آ (نظم) الله سنڌ سلامت رکي تا قيامت سنڌ دشمنن جي منهن ۾ ڌوڙ ناز صاحب لا جواب
جواب: هي سنڌ سلامت رهڻِي آ (نظم) پيارا عبدالستار چنا شال جُڙيو هجين ۔ لکين مهربانيون تنهنجيون جو منهنجي هن شاعري کي لاجواب چيو، ان کان علاوه منهنجي شاعري کي پڙهي تو به مٺي سنڌ کي دُعا اها به دلي دُعا ڏني ۔ بيشڪ منهنجي سنڌ تُنهنجِي سنڌ سدا سلامت رهڻي آ۔۔۔
جواب: هي سنڌ سلامت رهڻِي آ (نظم) پيارا طاهر سنڌي تنهنجي منهن ۾ سنڌ ڌرتي جا کنڊون ۽ کير ، سنڌ سدا سلامت رهندي ۽ دشمنن جي مُڻهن ۾ سدائين ڌُوڙ پوندي۔ تنهنجي مهرباني مٺا جو هن شاعري کي تو لاجواب چيو۔۔۔۔۔۔
جواب: هي سنڌ سلامت رهڻِي آ (نظم) سائين نثار ناز اوهان جي هن لازوال نظم ته سنڌ سلامت جي مطلب کي دوستن جي اڳيان وائکو ڪري ڇڏيو۔۔۔ اصل ۾ پنهنجي هن فورم جو هي نالو ئي انهيءَ مقصد سان رکيل آهي ته سنڌ جي ٻوليءَ ۽ تهذيب جي بقا جي لاءِ جيڪا جاکوڙ ڪجي ان تي سنڌ سلامت لفظ ئي ٺهڪي ٿو۔۔۔ سائين نرمل جي شاعري به پنهنجي سوچن کي لفظن ۾ پيش ڪري سنڌ امڙ جي لاءِ سچي سنڌين جو ڪردار پيش ڪيو آهي۔۔۔ جيئي سنڌ۔۔۔ جيئن سنڌ وارا
جواب: هي سنڌ سلامت رهڻِي آ (نظم) ادا مست همت افزائين جا ٿورا سنڌ آهي ته ساٿ سلامت آهي، پنهنجي فڪر ۾ پنهنجي فهم ۾ پنهنجي دل تي، پنهنجي زبان تي اچو صرف سنڌ کي خوبصورت بنائڻ سنڌي ماڻهن جا ڏک ۽ اهنج دور ڪرڻ جا وچن ڪريون، سنڌ منهنجي امان سُونهن تُنهنجي مٿان ڇا لکي ڇا لکان هڪ قلم هڪڙو مان ڪيئن پورو پوان ڇا لکي ڇا لکان
