مسجد مسلمانن لاءِ هڪ مقدس مقام آهي. مسجد ۾ سڀ مسلمان گڏ ٿي عبادت ڪندا آهن. پوري دنيا ۾ مسجدون اسلامي ثقافت جي نمائدگيون ڪنديون آهن. مڪي ۾ موجود مسجد حرام مسلمانن لاءِ مقدس مقام آهي جڏهن ته مسجد نبوي سعودي عرب جي شهر مدينه منوره ۾ قائم اسلام جي ٻئين مقدس ترين جاءِ آهي. ڪجهه خوبصورت مسجدن جو ذڪر ڪنداسين جيڪي دنيا جي مختلف ملڪن ۾ تعمير ٿيل آهن. Grand Mosque Pakistan گرينڊ جامع مسجد کي پاڪستان جي سڀ کان وڏي مسجد جو اعزاز حاصل آهي ۽ هي دنيا جي ستين وڏي مسجد آهي. ان مسجد جو افتتاح ڪجهه ڏينهن پهرين ٿيو آهي. لاهور جي علائقي بحريه ٽائون ۾ تعمير ٿيل هن مسجد ۾ هڪ وقت 70 هزار ماڻهو جماعت سان نماز ادا ڪري سگهن ٿا. 165 فٽ بلند 4 مينارن سان گڏ اعظيم مينار ۽ 20ننڍن مينارن تي مشتمل هي مسجد پاڪستان ثقافت ۽ اسلامي آرڪيٽيڪچر جو منفرد نمونو آهي. Sheikh Zayed Mosque – United Arab Emirates متحده عرب امارات ۾ واقع هن مسجد جي خوبصورتي ڏسڻ سان تعلق رکندي آهي. 82 مينار تعمير ڪيا ويا آهن. جڏهن ته مسجد کي سون جي پاڻي سان چهڙايو ويو آهي. ان مسجد ۾ دنيا جو سڀ کان وڏو هٿ جو ٺاهيل ڪالين وڇايل آهي. مسجد جي مرڪزي هال ۾ دنيا جو سڀ کان وڏو فانوس لڳل آهي. ان سان گڏ خوبصورت تالئو تعمير ٿيل آهن جيڪي مسجد جي حُسن کي وڌاين ٿا. Mevlana Mosque – Rotterdam هي خوبصورت مسجد نيڌرلينڊ جي شهر Rotterdam ۾ آهي. ان مسجد کي 2001 ۾ تعمير ڪيو ويو هو. هي مسجد 2006 ۾ ٿيڻ واري ووٽنگ ۾ Rotterdam جي سڀ کان وڌيڪ پرڪشش عمارت جو اعزاز رکي ٿي. Akhmad Kadyrov Mosque in Grozny – Chechnya هي خوبصورت مسجد چيچنيا جي گادي جي هنڌ Grozny ۾ واقع آهي. هن مسجد کي چيچنيا جي دل به چيو وڃي ٿو. مسجد ۾ تعمير مينارن 62 ميٽر ڊگها آهن. ان مسجد ۾ هڪ وقت 10 هزار ماڻهو نمازپڙهي سگهن ٿا. هن مسجد جو افتتاح 16 اڪٽمبر 2008 ۾ ٿيو هو. Hassanil Bolkaih, Mosque هن مسجد جو مڪمل نالو Jame Asr Hassanil Bolkiah آهي ۽ هي برونائي ۾ واقع آهي. ان مسجد کي 1992 ۾ تعمير ڪيو ويو هو. ان وقت جي سلطان جي حڪومت کي 25 سال مڪمل ٿيڻ تي هن کي تعمير ڪيو ويو هو. هي برونائي جي سڀ کان وڏي مسجد آهي. Hassan II – Casablanca مراڪش ۾ موجود هي حسين و جميل مسجد اسلامي تعمير جو هڪ اعلي نمونو آهي. هن مسجد جو افتتاح 1993 ۾ ٿيو. مسجد جي مينار جي ڊيگھ 210 ميٽر جڏهن ته ان جو فرش مڪمل ماربل جو آهي. ان مسجد ۾ هڪ وقت 1 لک ماڻهو نماز پڙهي سگهن ٿا. The Shah Alam Mosque – Malaysia هي مسجد ملائشيا جي شهر Kuala Lumpur ۾ موجود آهي. ۽ هن تصوير ۾ مسجد جي خوبصورتي جو اندازو لڳائي سگهجي ٿو. ان مسجد کي ملايئشيا جي سڀ کان وڏي مسجد جو اعزاز حاصل آهي. ان مسجد جي تعمير 1982 ۾ شروع ٿي ۽ 1988 ۾ مڪمل ٿي. Al-Saleh Mosque – Sana’a, Yemen يمن جي شهر صنعا ۾ تعمير ٿيل هي مسجد پنهنجي شهر جي سڀ کان وڏي ۽ جديد مسجد آهي. مسجد شهر جي ڏاکڻي حصي ۾ واقع آهي. هِن مسجد جو افتتاح 2008 ۾ يمني صدر علي عبدالله صالح ڪيو. 27300 چورس ميٽر ايراضي تي ڦهليل هن مسجد ۾ 44 هزار نمازي هڪ وقت نماز ادا ڪري سگهن ٿا. Mohammad Ali’s Mosque – Egypt هي مسجد مصر جي دارلحڪومت قائرا ۾ موجود آهي. هي قائرا جي وڏي مسجد آهي ۽ ان شهر ۾ اچڻ وارا سياح سڀ کان پهرين ان مسجد جو رخ ڪندا آهن. ان مسجد جي تعمير 1830 کان وٺي 1848 جي وچ واري عرصي ۾ ٿي هوئي The Jumma Masjid Mosque دلڪش مسجد براعظيم آفريڪا جي ملڪ موزمبيق جي گادي جي هنڌ Maputo ۾ واقع آهي. ۽ ان جي تعمير مڪمل ٿيڻ تائين سياحن جو اچڻ منع هو. Istiqlal Grand Mosque – Indonesia انڊونيشيا جي شهر جڪارتا ۾ موجود هن خوبصورت مسجد جا ست دروازه آهن جن جا نالا الله تعالي جي نالن سان رکيل آهن هي مسجد عوام جي لاءِ 1978 ۾ کولي وئي هئي. ان مسجد جي تعمير تي 17 سال لڳا. Melaka Straits Mosque – Malaysia هي خوبصورت مسجد ملائيشيا جي منصوعي ٻيٽ Malacca تي تعمير ڪئي وئي آهي. ان کي ڏسي ائين محسوس ٿيندو آهي جيئن پاڻي جي سطح بلند ٿيندي آهي ۽ هي مسجد لهرن سان وهڻ شروع ٿي وڃي. هن مسجد جو افتتاح 2006 ۾ ٿيو. Qul Sharif Mosque, Kazan هي مسجد روس جي شهر قازان ۾ واقع آهي. هن جي تعمير ٿيڻ وقت هي روس جي سڀ کان وڏي مسجد هئي. هن مسجد جي تعمير 16 هين صدي ۾ ٿي ان جي تعمير ۾ ڪيترن ئي ملڪن فنڊ ڏنا هوئا. جن ۾ قابل ذڪر سعودي عرب ۽ متحده عرب عمارات آهن.
