تازو پاڪستان مسلم ليگ سنڌ شاخ جي هڪ وفد اسلام آباد ۾ وزيراعظم نواز شريف سان ملاقات ڪئي جنهن ۾ وفد جي ميمبرن کي وزيراعظم يقين ڏياريو ته سنڌ جي وحدت برقرار رکي ويندي ۽ هو سنڌ جي وحدت تي پختو ويساهه رکي ٿو ـ اها خبر ٻن مکيه اردو اخبارون ايڪسپريس ۽ جنگ شايع ڪئي پر خبر ۾ سنڌ جي وحدت کي برقرار رکڻ واري ڳالهه غائب هئي البت سنڌي اخبارون ۾ اها خبر شايع ٿي ـ اٽڪل 8 يا 10 ڏينهن کانپوءِ ايم ڪيو ايم جي وفد وزيراعظم نواز شريف سان ملاقات ڪئي ۽ سنڌ ۾ نون صوبن ٺاهڻ تي زور رکيائون جنهن جي موٽ ۾ وزيراعظم چيو ته هو انهيءَ مامري تي سنڌ سرڪار سان ڳالهائيندو ـ اردو اخبار روزاني ايڪسپريس انهيءَ خبر کي بينر ليڊ اسٽوري ڪري هلايو ـ ڇا اها اردو پريس جي صحافتي بدديانتي ناهي؟ ائين لڳي ٿوته اردو پريس، پاڪستان جي ٺهڻ کان وٺي هيلتائين پنهنجي اعتراض جوڳي روش کي اڃا تبديل ڪونه ڪيو آهي ـ
