• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

مذهبي اڳواڻ ڊاڪٽر خالد محمود سومرو سکر ۾ گوليون لڳڻ سبب شهيد

سليمان وساڻ

مينيجنگ ايڊيٽر
انتظامي رڪن
لائيبريرين
10384288_10204988325166056_2793570132082902778_n.jpg

خبرون آهن ته جميعت علماء اسلام جو مذهبي اڳواڻ ڊاڪٽر خالد محمود سومرو سکر ۾ گوليون لڳڻ سبب شهيد ٿي ويو آهي. ڊاڪٽر خالد محمود سومرو اڄ صبح جو سکر جي نئين ڳوٺ ۾ تعمير ٿيندڙ مدرسي ۾ فجر جي نماز جي امامت ڪري رهيو هو ته نماز ۾ موجود چئن هٿياربندن سجدي جي حالت ۾ فائرنگ ڪئي. مولانا کي چار گوليون لڳيون ۽ اسپتال نيندي هو زندگي جي جنگ هارائي ويو. اڄ سندس پٽ جي شادي لاڙڪاڻي ۾ رٿيل هئي ۽ پاڻ رات سکر ۾ پيغامِ امن ڪانفرنس جي تيارين جي سلسلي ۾ آيل هو ۽ هڪ جلسي ۾ تقرير به ڪئي.

ڊاڪٽر خالد محمود سومرو سنڌ جو اهو مذهبي اڳواڻ هو جيڪو سنڌ جي ٻرندڙ مسئلن ڪالا باغ ڊيم، سنڌ جي ورهاست تي پنهنجو چٽو موقف ڏيندو رهيو آهي ۽ اهڙن معاملن جي سخت مخالفت ڪئي هئائين.

سندس جنازي نماز مغرب جي نماز کانپوء لاڙڪاڻي ۾ ادا ڪئي ويندي.

سنڌ سلامت جو سٿ سندس پونيرن سان ڏک ۾ شريڪ آهي ۽ دعاگو آهي ته رب پاڪ کيس جوار رحمت ۾ جڳهه عطا ڪري ۽ پونيرن کي صبر جميل عطا ڪري.
 
انتظامي رڪن طرفان آخري ترميم:
تمام وڏي ڏک جي خبر آهي اڄ صبح جو سوير جڏهن مان اٿيس ته هڪ دم گولين جو آواز ٻڌو تڏهن مان گهر ڀاتين کي چيو ته الله خير ڪري هن وقت الائي ڇو فائرنگ ٿي رهي آهي ڪجهه گهڙيون مس گذريون ته حرا اسپتال جيڪا منهنجي گهر جي ويجهو آهي اتي ماڻهن جو وڏو هجوم گڏ ٿي ويو
پچا ڪرڻ تي خبر پئي ته ڊاڪٽر خالد محمود سومرو صاحب شهيد ٿي ويو آهي هي هڪ تمام وڏي افسوسناڪ خبر آهي تمام وڏو ناقابل تلافي نقصان ٿيو آهي
 
انتهائي افسوس ناڪ خبر ...
علامه ڊاڪٽر khalid mahmood سنڌ سلامت جا رڪن به آهن... سندن طرفان تعارفي تحرير ۾ پنهنجي يوٽيوب چينل بابت آگاهي ڏنل هئي...
مذهبي اسڪالر هجڻ باوجود سنڌ، سنڌيت، سنڌي ٻولي ۽ سنڌي مسئلن کي هر ممڪن فورم تي جستجو ڪندڙ پڻ رهيا...
سنڌ بابت سندس جي حوالي سان سنڌ سلامت تي پڻ ڪافي مواد موجود آهي.. جن مان مختصر هيٺ ڏجي ٿو..

علامه ڊاڪٽر خالد محمود سومرو جي هڪ تقرير لاڙڪاڻه
علامه ڊاڪٽر خالد محمود سومرو جي هڪ تقرير
علامه ڊاڪٽر خالد محمود سومرو جي هڪ تقرير
علامه خالد محمود سومرو جون ڪجهه تصويرون
لساني ٽولي کي سنڌ جي مالڪي ڏني پئي وڃي: خالد محمود
علامه ڊاڪٽر خالد محمود ۽ سنڌ جي تيل ۽ گيس جو مسئلو


ڊاڪٽر خالد محمود سومري جي مدرسي جي ڊاڪيومينٽري




 
245h7kk.jpg
هي هڪ بيحد ڏکائتو ۽ افسوسناڪ واقعو آهي.
اڄ صبح سوير پهريون ميسيج سندن شهادت جي حوالي سان موصول ٿيو ته ڊاڪٽر خالد سومرو کي سکر ۾ شهيد ڪيو ويو آهي. هي خبر ٻڌي دل غم ۽ صدمي سان ڀرجي وئي آهي. شل الله پاڪ کيس جنت الفردوس ۾ اعلى مقام عطا ڪري ۽ سندس پوئينرن کي صبر جميل جي قوت ڏئي. آمين ثم آمين.

ڊاڪٽر خالد سومرو جي جرات ۽ عظمت کي سلام
dr-khalid-mehmood-soomro.jpg
 
نهايت ئي ڏکوئيندڙ واقعو آهي ڪافي عرصي کان ملڪ ۾ خاص ڪري سنڌ ۾ باهه ٻري رهي آهي حوس پرست حڪمران پنهنجي حڪومت جي تحفظ لاءِ بيگناهه سنڌين کي چونڊي چونڊي نشانو بڻائي رهيا آهن. ان واقعي جي پرزور مذمت ڪريون ٿا.
 
نهايت ئي ڏکوئيندڙ واقعو آهي ڪافي عرصي کان ملڪ ۾ خاص ڪري سنڌ ۾ باهه ٻري رهي آهي حوس پرست حڪمران پنهنجي حڪومت جي تحفظ لاءِ بيگناهه سنڌين کي چونڊي چونڊي نشانو بڻائي رهيا آهن. ان واقعي جي پرزور مذمت ڪريون ٿا.
 
ثاني عبيدالله سنڌي ڊاڪٽر خالد محمود سومرو اسانجو ايم آر ڊي جو ساٿي ، سنڌ جو اهو ارڏو نماڻو پٽ جنهن هڪ سخت گير مذهبي جماعت جو اڳواڻ ٿي ڪري به سنڌيت ۽ سنڌ جي حقن جو ڀرپور دفاع ڪيو سندس پنهنجي جماعت ۾ ۽ نجي ڪچهرين ۾ سنڌ ڌرتي لاءِ ساڳيو موقف هيس. ڪالاباغ ڊيم جهڙي ڪُڌي منصوبي ۾ سنڌ جي ورهاڱي بابت واضح ۽ کليل الفاظن نه صرف مذمت ڪندو هيو، پر عملي جاکوڙي به هيو. سنڌ جي زرعي زمين لاءِ به سنڌين هارين جي ڏيارڻ لاءِ هن جون ڪوششون قابل تعريف هيون. ٽنڊي بهاول واري ڪيس سندس پوئواري به ڪنهن کان ڳجهي نه آهي.
مان به هڪ ڏينهن ماريو ويندس
ڪنهن نظريه تحت ڪنهن سوچ پٺيان
( خادم حسين سرهيو عطاري )
 
انتهائي ڏک جي ڳالهه آهي.پاڪستان جون بنيادون کوکليون ٿي ويون آهن.ڪو به ماڻهون محفوظ ناهي.
 
Back
Top