پاڪستان ڪرڪيٽ ٽيم نيوزيلينڊ سان ٽيسٽ سيريز برابر ڪرڻ کان پوءِ ڪالهه ٽي ٽوئنٽي ميچ ۾ شاندار راند جو مظاهرو ڪندي نيوزيلينڊ کي ستن وڪيٽن تان هارائي ڇڏيو۔ پاڪستان ٽاس کٽي نيوزيلينڊ کي پهريان بيٽنگ جي دعوت ڏني نيوزيلينڊ پهريان بيٽنگ ڪندي مقرره 20 اوورن ۾ ستن وڪيٽن جي نقصان تي 135 رنسون اسڪور ڪيون۔ سڀ کان وڌيڪ اسڪور ڪوري انڊرسن ڪيو جنهن چار ڇڪن جي مدد سان 37 بالن ۾ 48 رنسون اسڪور ڪيون۔ رونچي 33 ۽ گپٽل 32 رنسون ٺاهيون جڏهن ته سندس 6 رانديگر ڊبل فگر ۾ به نه پهچي سگهيا سهيل تنوير ۽ محمد عرفان ٻه ٻه وڪيٽون ورتيون۔ جڏهن ته شاهد آفريدي، انور علي ۽ رضا حسن هڪ هڪ وڪيٽ ورتي۔ اوپنر ۽ وڪيٽ ڪيپرسرفراز احمد جي شاندار بيٽنگ سبب پاڪستاني ٽيم 1۔19 اوورس ۾ ٽن وڪيٽن جي نقصان تي مطلوبه هدف حاصل ڪري ورتو۔ سرفراز 64 بالن ۾ ٻن چڪن ۽ اٺن چونڪن جي مدد سان 76 رنسون اسڪور ڪيون ۽ ناٽ آئوٽ رهيو۔ جڏهن ته عمر اڪمل 14 بالن ۾ 27 رنسون ٺاهيون وننگ شاٽ به سندس ئي کاتي ۾ رهيو جڏهن 19 اوورن جي اختتام تي کٽڻ لاءِ هڪ رنس جي ضرورت هئي ته عمر اڪمل ڇڪو هڻي فتح پاڪستان جي نالي ڪري ڇڏي۔ سرفراز احمد کي مين آف دي مئچ قرار ڏنو ويو۔ پاڪستان ڪرڪيٽ ٽيم هڪ ٻيو منفرد اعزاز به پنهنجي نالي ڪري ورتو۔ ڪرڪيٽ جي دنيا ۾ پهرئين ٽيم بڻجي وئي جنهن 50 ٽي توئنٽي مئچ کٽيا آهن ۽ ان سان گڏ ڪرڪيٽ جي دنيا ۾ سڀ کان وڌيڪ ٽي ٽوئنٽي مئچ کٽيندڙ ٽيم بڻجي وئي
