اريشا بلوچ مون نه ٿي ڄاتو ته پيار ڇا ٿيندو آ..!!؟ پر جڏهن کان ٿيس قيدياڻي پيار تنهنجي جي تڏهن کان بس الائي ڇو هي اکين مان لڙڪ جاري هن, هي ٿڌڙا ساهه ۽ سوچون هي خيال تنهنجا ۽ بس تون هي راتين جون ننڊون مٺڙيون هي اوجاڳا ۽ اوسيئڙا او منهنجا ساهه جانيئڙا ڪٿي مان وڃائجي وئي آهيان شايد ۽ توکان وسري وئي آهيان شايد تون ڪڏهن ملندين...!!؟ تون ڪڏهن ايندين...!!؟ تڏهن ايندين شايد جڏهن او سر ساه جا مالڪ مان توکان گهڻو پري هلي وينديس.
مون مرد شاعرن جي جذباتي ۽ بي خوف شاعري ته پڙهي آهي... پر ڪنهن عورت جي واضح جذباتي شاعري تمام گهٽ ... اردو جي مشهور شاعره پروين شاڪر جي اهڙي بي خوف شاعري پڙهڻ لاءِ ملندي آهي البته ڪا سنڌي شاعره بلڪل به نه ملي.. خير توهان جي شاعري جي جذباتي انداز جي عڪاسي ڪندڙ لفظن ۾ ڪافي گهرائي محسوس ڪيم... ڪنهن سهي چيو آهي ته اهي شاعر ئي هوندا آهن جيڪي پنهنجي اندر جي اڌمن کي لفظن جو روپ ڏيڻ ڄاڻين..
