سنڌ سلامت جا ساٿيو ۽ ساري دنيا جا سنڌي دوستو السلام عليڪم جيئي سنڌ ڪالهه آڄر جي ڏينهن بتاريخ 23 مئي 2010 تي ٽنڊو محمد خان جي مشهور ادبي تنظيم ، محمد خان غني ادبي تنطيم ٽکڙ ٽنڊو محمد خان پاران ڪاوش ۽ ڪي ٽي اين ٽنڊو محمد خان ضلع جي تمام محنتي نمائندي محترم غلام نبي ڪيريو کي عمري جي پاڪ سعادت حاصل ڪرڻ جي خوشيءَ ۾ سندس مان ۾ هڪڙي سادي مگر انتهائي پُر وقار ضيافت جو اهتمام ڪيو ويو، جنهن ۾ ٽنڊو محمد خان شهر جي ڪافي سارن اديبن اخباري نمائندن شاعرن، سماجي ۽ سياسي نمائندن شرڪت ڪئي . محترم سنڌي ساٿيو، هن تقريب جو انعقاد ٽالپر ڪالوني ٽنڊو محمد خان جي مشهور مومن منزل جي هال ۾ ڪيو ويو، هن تقريب جو آغاز تلاوت ڪلام پاڪ سان ڪيو ويو تلاوت ڪلام پاڪ جي سعادت شهر جي نوجوان غلام شبير ميرجت حاصل ڪئي ان کان پوءِ حمد باري تعالى مشهور شاعر رسول بخش لغاري پڙهي ٻُڌائي ، جڏهن ته مولود شريف سنڌ مشهور مولودي امين جسڪاڻي ۽ سندس ساٿين پڙهي ساري تقريب کي رونق بخشي ڇڏي، ان کان پوءِ محمد خان غني ادبي تنظيم جي سرپرست اعلى ۽ ٻن زبردست سنڌي شاعري جي ڪتابن” طوفانن ۾ ٻيڙو ترندو“ ۽” زندگي آهي سفر“ جي تخليق ڪار محترم محمد دائود المعروف تاج ٽکڙائي محفل جي مور ڪاوش ۽ ڪي ٽي اين جي نمائندي محترم غلام نبي ڪيريو کي عمري جي سعادت حاصل ڪرڻ تي دل جي گهرائين سان کيس پنهنجي ۽ پنهنجي ساري ادبي تنظيم پاران مُبارڪون ڏنيون ، ۽ سندس پيشه وارانه صحافتي ذميوارين کي نهايت ئي احسن نموني سرانجام ڏيڻ تي کيس شاباسون ۽ نيڪ تمنائن وارا پيغام ڏنا، محترم تاج ٽکڙائي وڌيڪ چيو ته ڪافي صحافي پنهنجون ذميواريون ادا ڪندا رهندا آهن پر غلام نبي ڪيريو جي صحافت ڪرڻ جو انداز سڀني کان نرالو ۽ مختلف آهي ، سدائين کلندو رهندو آهي، محترم تاج ٽکڙائي پنهنجي نظم ۾ غلام نبي ڪيريو کي ڀيٽا ڏني. ان کان پوءِ حاجي حُسين ڀٽي پڻ محترم غلام نبي ڪيريو جي گهڻ رُخي شخصيت تي ڳالهايو، کيس عمرو ادا ڪرڻ تي مُبارڪباد ڏني، حاجي حُسين ڀٽي پنهنجي ڪافي ۾ غلام نبي ڪيريو کي مانائتي ڀيٽا ڏني، ان کان پوءِ شهر جي نوجوان شاعر نوشاد ڀٽي کي غلام نبي ڪيريو جي شخصيت تي ڳالهائڻ لاءِ گهرايو ويو جنهن نهايت ئي خوبصورت لفظن سان غلام نبي ڪيريو کي خراج تحسين پيش ڪيو ۽ کيس عمرو ادا ڪرڻ تي مُبارڪون ڏنيون، ان کان پوءِ سنڌ سلامت جي نثارناز(راقم الحروف) کي غلام نبي ڪيريو جي شخصيت تي ٻه اکر ڳالهائڻ لاءِ گهرايو ويو، نثار ناز ان موقعي تي ڳالهائيندي چيو ته غلام نبي ڪيريو کي مائٽن جي پاران دُعائون مليون ۽ اهي قبوليت اختيار ڪري ويون ۽ هو عمري جهڙي سعادت حاصل ڪري آيو، نثار کيس کوڙ ساريون مُبارڪون پڻ ڏنيون، ان کان پوءِ ٽنڊو محمد خان شهر جي في البديه شاعر ۽ مفڪر محترم مشڪو ڦلڪاري کي گهرايو ويو، جنهن غلام نبي ڪيريو کي کوڙ ساريون واڌايون ڏيندي چيو ته خوشنصيب آهي غلام نبي ڪيريو جيڪو عمري جهڙي هڪڙي وڏي سعادت حاصل ڪري آيو آهي، سندس صحافي ذميوارين تي ڳالهائيندي مشڪور ڦلڪاري چيو ته غلام نبي ڪيريو، سنڌي ٽوپي اجرڪ واري ڏينهن ۽ دريا شاهه جي پاڻي واري ڏينهن سڀني کان نمايان نظر آيو جس لهڻي غلام نبي ڪيريو جنهن پنهنجي سنڌ جي حلالي فرزند وارو ڪردار ادا ڪندي، هر موڙ تي هن شهر مان پوري سنڌ جي خدمت ڪئي آهي. ان کان پوءِ سنڌي ادبي سنگت شاخ ٽنڊو محمد خان جي سيڪريٽري سيد سارنگ شاهه چيو ته غلام نبي ڪيريو سان گڏ هو آزاد سنڌ ڌرتي ڏسڻ جو خواهش مند آهي، ان کان پوءِ ڊاڪٽر عزيز ٽالپر چيو ته غلام نبي ڪيريو سان سندس ڏيٺ ويٺ 1988ع کان ٿي جڏهن انساني حقن جي لتاڙ جي خلاف هن جُدوجهد ڪئي ان وقت هن بي لوث ٿي انهيءَ جدوجهد جي ڪوريج ڪئي، غلام نبي ڪيريو هڪ سچو ۽ کرو انسان آهي، ان کان پوءِ محمد خان غني ادبي تنظيم جي نائب صدر محترم محمد هاشم حافظ ٽکڙائي چيو ته هو غلام نبي ڪيريو کي ان ڏينهن کان سُڃاڻي جڏهن هو دريا سنڌي جي ڏينهن جي سلسي ۾ علي بندر ملاڪاتيار آيو ۽ هڪ ٻيڙي ۾ سوار ٿي دريا جي ڪن جي بيٺل پاڻي جو نظارو ڪيو، ان کان علاوه محترم غلام نبي ڪيريو کي ڪافي سارن دوستن گُلن جا هار ۽ سنڌ جي روايتي سوکڙي اجرڪ جا تحفا ڏنا آخر ۾ تاڙين جي گونج ۾ غلام نبي ڪيريو پنهنجي تقرير ۾ چيو ته جيڪو ماڻهو ڪوڙ ڳالهائيندو آهي ، ان کي ڪير به پاسي ۾ ڪونه وهاريندو آهي، هن هر سنڌيءَ کي اپيل ڪندي چيو ته سنڌ ڌرتي امن ۽ محبت جي ڌرتي آهي، سدائين سنڌ ڌرتي جي خدمت کي پنهنجي اولين ذميواري سمجهو، سنڌ ڌرتي آهي ته اسان جو ساٿ سلامت آهي، اسان جڏهن پنهنجي صحافتي ذميواري نڀائيندا آهيون تڏهن دل ۾ هڪڙو ئي اهو خيال هوندو آهي ته ڪنهنجي دل آزاري نه ٿئي، ڪير به ڪنهنجي دل آزاري ڪندو آهي ته کيس تمام گهڻو ڏُک ٿيندو آهي، هن محمد خان غني ادبي تنظيم جي سرواڻ محترم تاج ٽکڙائي جا ٿورا مڃيندي چيو ته سائين تاج ٽکڙائي جي جدوجهد کي ڏسندا آهيون ته اسان کي هڪ وڏو اُتساهه ملندو آهي، محترم غلام نبي ڪيريو سنڌ جي اديبن جي جدوجهد جو ذڪر ڪندي چيو ته اديب هڪ تخليق ڪار آهي، ۽ سچو تخليق ڪار سدائين ڪوڙ مڪر ۽ ٺڳي خلاف بر سر پيڪار هوندو آهي سندس انهي ڳالهه تي هن تقريب ۾ شامل سمورن ماڻهن دل کولي تاڙيون وڄائي غلام نبي ڪيريو کي داد ڏنو، اهڙي طرح هي ضيافت واري تقريب جيڪا شام جو پنجي وڳي کان شروع ٿي رات جو 9 وڳي اختتام پذير ٿي. هن تقريب جي اسٽيج سيڪريٽري وار فرض شهر جي ڀلوڙ شاعر انعام ٽکڙائي سرانجام ڏنا جڏهن ته هن تقريب جي پُڄاڻيءَ جو باقائده اعلان شاهه سائين جي هن بيت ڪنول پاڙون پاتار م ڀونئر ڀِري آڪاس ٻنهي سندي ڳالهڙي رازق آندي راس، تنهن عشق کي شاباس جنهن محبتي ميڙيا تقريب جي پُڄاڻي جو اعلان ٽنڊو محمد خان جي بهترين شاعر ۽ سنڌ سلامت جي جهوني (راقم الحروف ) نثار ناز ڪيو، آخر ۾ مهمانن جي ريفريشمينٽ رات جي ماني(ڊنر) سان ڪرائي وئي. هاڻي پيش آهن هن پُروقار تقريب جو تصويري احوال نامون. سنڌ سلامت جي پيشڪش محترم غلام نبي ڪيريو کي آجيان جي سلسلي ۾ ٻه خوبصورت بينر ٺهرايا ويا محمد خان غني ادبي تنظيم جو سرواڻ محترم تاج ٽکڙائي محفل جي مور محترم غلام نبي ڪيريو کي سنڌ جي سوکڙي اجرڪ جو تحفو پارائي رهيو آهي محترم غلام نبي ڪيريو کي عبدالحسين ملاح اجرڪ جو تحفو پارايو سنڌ مشهور مولودي امين جسڪاڻي محترم غلام نبي ڪيريو کي اجرڪ جو تحفو ۽ هارن جو تحفو پارايو ڀلوڙ شاعر محترم رسول بخش لغاري پڻ جناب غلام نبي ڪيريو کي اجرڪ جو تحفو ڏنو اسٽيج تي محفل جو مور محترم غلام نبي ڪيريو وچ ۾ سندس ساڄي ۽ کاٻي ڊاڪٽر عزيز ٽالپر ۽ حافظ محمد هاشم ويٺا آهن تمغه امتياز حاصل ڪندڙ شاعر مخمور مهري محترم غلام نبي ڪيريو کي اجرڪ جو تحفو پارائي رهيو آهي ڪي ٽي اين ۽ ڪاوش ضلعو ٽنڊو محمد خان جو نمائندو محترم غلام نبي ڪيريو صاحب سنڌ سلامت جو ميمبر نوجوان سيد غلام علي شاهه جيڪو ڪي ٽي اين ٽنڊو محمد خان جو ڪئميرا مين پڻ آهي پنهنجو آفيشل ذميواريون پوريون ڪندي
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت محترم غلام نبي ڪيريو کي اسان جي طرف کان به لک لک واڌايون چوندا۔۔۔۔۔ الله عزوجل هر مسلمان کي پنهنجي گهر ۽ پنهنجي محبوب ڪريم عليه الصلوات والسلام جن جي زيارت نصيب فرمائي۔۔۔۔ آمين۔۔۔۔۔۔۔۔۔
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت پيارا زاهد سومرا توهان جون واڌايون محترم غلام نبي ڪيريو تائين پهچايون ويون آهن ادا زاهد سومرا تو واڌايون ڏنيون ڄڻساري سنڌ سلامت جي دوستن محترم غلام نبي ڪيريو کي واڌايون ڏنيون توهان جون دعائون اسان لا ٿڌاڻوانگر لڳيون مهرباني اسان جو دعائون پڻ توهان سڀني ساٿين سان آهن
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت سنڌي آرٽسٽس ويلفيئر ايسوسيئيشن (ساوا) ، ۽ اُن جا ذيلي ادارا ” ساليوُوڊ پروڊڪشن، پبليڪيشن ۽ ريسرچ سينٽر نيو سعيد آباد، “ سنڌي ميڊيا (ساليوُوڊ) ۽ ساليوُوڊ آرٽسٽس ٽريننگ اڪيڊمي گُلستان جوهر برانچ ، سنڌ سلامت جي هن پليٽ فارم تان غلام النبي ڪيريو صاحب کي عمري جي ادائگيءءَ کان پوءَ وطن ورندي دل جي گھراين سان عمري ادا ڪرڻ جون مُبارڪون ڏي ٿي. اسان جي دُعا آهي ته غلام النبي ڪيرئي صاحب ، پنهنجي ڪاوش ۽ ڪشش سان حق ۽ سچ جو آواز بُلند ڪندو رهندو. آمين ثُم آمين. جزاڪ الله.
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت سائين ڪيريي صاحب کي سنڌ سلامت جي سڄي سنگت پاران کيس عمري جي سعادت نصيب ٿيڻ تي مبارڪون پهچايون وڃن ۔۔۔۔ ۽ کيس کي اسان سڀني سنگتين لئه دعا جي اپيل ڪئي وڃي ته جيئن سڀني دوستن کي اها سعادت نصيب ٿئي ۽ سڌي راهه تي هلڻ وارن پانڌيئڙن ۾ شامل ٿي وڃون ۔۔۔ والسلام ۔۔۔
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت پيارا سنڌي ميڊيا وارا ادا عبدالرزاق ميمڻ صاحب توهان جي آرٽس ايسوسي ايشن ساوا ۽ ان جي ذيلي ادارن جو نيڪ مُبارڪون محترم غلام نبي ڪيريو تائين پهچايون ويون آهن، ان کان علاوه توهان جو حق ۽ سچ جو پيغام ڀي ۔ مونکي اميد آهي ته محترم غلام نبي ڪيريو پاڻ سنڌ سلامت جو ميمبر ٿي توهان سڀني دوستن جي شڪريه ادائگي ضرور ڪندو، ان کان علاوه هڪي ڪجهه وڌيڪ تصويرون رهيون ٿي، جيڪي دل چوي ٿي توهان سان ونڊ ڪيون وڃن۔ شهر جا معززين پڻ هن ضيافت واري تقريب ۾ شريڪ هُئا لانگ شارٽ ۾ ڊاڪٽر پروفيسر قادربخش منگسي، ڊاڪٽر عزيز ٽالپر، محترم غلام نبي ڪيريو، محترم حافظ محمد هاشم ٽکڙائي، ۽ محترم تاج ٽکڙائي نمايان آهن سنڌ سلامت جو جهونو نثار ناز پڻ هن تقريب ۾ محترم غلام نبي ڪيريو کي مُبارڪون ڏئي رهيو آهي ٽنڊو محمد خان جا سينئر صحافي محترم امتياز منڱريو ۽ محترم درس پڻ پنهنجي دوست صحافي محترم غلام نبي ڪيريو جي مان ۾ ڏنل ضيافت ۾ شريڪ هُئا آل سنڌ سمان ويلفيئر ايسوسي ايشن ضلع ٽنڊو محمد خان جو صدر محترم حاجي محمد صديق سمون پڻ محترم غلام نبي ڪيريو جي مان ۾ ڏنل تقريب ۾ شريڪ هو محترم غلام نبي ڪيريو صاحب ۽ امين جسڪاڻي گڏ ويٺا آهن ڀلوڙ شاعر انعام ٽکڙائي جيڪو سنڌي ادبي سنگت ضلع حيدرآباد جو رابطه سيڪريٽري پڻ آهي جنهن هن ضيافت واري تقريب ۾ اسٽيج سيڪريٽري وارا فرض سرانجام ڏنا سنڌ سلامت جو ميمبر ۽ سنڌ ٽي وي ضلع ٽنڊو محمد خان جو نوجوان ڪئميرا مين ممتاز جسڪاڻي پڻ شريڪ هو هن ضيافت ۾
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت سائين نثار توهان جي نيڪ تمنائن وارا پيغام ۽ مُبارڪون محترم غلام نبي ڪيريو تائين پهچايون ويون آهن مهرباني سائين
جواب: نامور صحافي ڪاوش ۽ ڪي ٽي اين جي غلام نبي ڪيريو کي عمرو ادا ڪرڻ جي خوشي ۾ ضيافت سائين مون ناچيز جي طرفان سائين غلام نبي ڪيريو کي هن ڀلاري ڳالهه جي مبارڪ ڏيندا ته شڪرگذار ٿيندس۔۔۔۔ الله شل اسان کي ارضِ مدينه ۽ مڪو پاڪ جي ذرن کي چمڻ جي سعادت نصيب فرمائي۔۔۔ الاهي آمين
