منهنجا بابا مٺڙا بابا.نثري نظم مظفر منگي

[عبدالرحيم گجراڻي]

منهنجا بابا
مٺڙا بابا
مون کي وٺي ڏي
بوٽ جورابا
ڇڳل چپل ڏسي پيرن ۾
مون تي ڏاڍو ٻار کلن ٿا
ٽوڪون ڪن ٿا
طعنا هڻن ٿا
صٻح جي ٿڌ ۾ جڏ
اسڪول وڃان ٿو
سيءَ ۾ بابا ڏڪندو وڃان ٿو
ڪوٽ وٺي ڏي
يا ڪا جرسي سوئيٽر
۽ ڪنن ڍڪڻ لاءِ
ٽوپي مفلر
پيءُ جي اکين مان
لڙڪ لڙي پيا
پيار مان پٽ کي ڳراٽي پائي
چميون ڏنائين
۽ پوءِ چيائين
تو جيان پٽڙا ڪيئي ٻچڙا
پيٽ بکيي سان روز سمهن ٿا
پيرين اگهاڙين پٺيءَ اگهاڙين
ڪيئي گهمن ٿا
تون به انهن مان هڪڙو آهين
تون به انهن مان هڪڙو آهين.