سائنس ۽ موت

هڪ دوست چيو اُهو ڏينهن پري ناهي جڏهن سائنس موت تي فتح حاصل ڪندي ۽ انسان ڪڏهن بہ مري نہ سگهندو .
سندس ڳالهہ ٻڌڻ کانپوءِ ڪا دير ٻوڏاري ۾ پئجي ويس .
منهنجي اندر چيو
نہ انسان کي مرڻ بہ گهرجي ، انسان جو مرڻ ضروري آهي بلڪل ائين جيئن سندس ڄمڻ .
مان انسان جي جيئاپي جو قائل آهيان پر اوسين تائين جيسين تائين مٿس طبعي موت نٿو اچي ، موسمن کي پنهنجي وقت تي بدلجڻ گهرجي .
مان انسان کي ترقي ڪندي ڏسڻ چاهيان ٿو پر منفي انداز ۾ نہ ، هميشہ لاءِ جيئڻ جو تصور مون لاءِ منفي ئي آهي .
جيڪڏهن سائنس اهڙي ترقي ڪري بہ وڌي تہ انسان ڌرتيءَ تي بوجهہ ڌرتي ڪنهن سوڙهي ڪمري جيئن ٿي ويندي .
مان انسان کي موت تي نہ ، بک تي ، مفلسي ۽ بيوسيءَ تي فتح حاصل ڪندي ڏسڻ ٿو چاهيان.
طارق عالم ابڙو