محمد خان سيال
سينيئر رڪن
چوٿين ملٽري ڊڪٽيٽر ۽ نسلي متڀيد رکندڙ اڳوڻي صدر جنرل ريٽائرڊ پرويز مشرف جو راڄ هو، تن ڏينهن ۾ سنڌين سان زيادتيون چوٽ تي چڙهيل هيون، سو هڪ ڏينهن مون سوچيو ته ڇو نه انٽرنيٽ تي انگريزي اخبار جاري ڪجي جيڪا نه رڳو ساري دنيا جي سنڌين جي ثقافتي ۽ سماجي سرگرمين کي ڪوريج ڏئي پر سنڌ ۽ سنڌين سان ٿيندڙ زيادتين خلاف به لکي ـ سال 2001 ۾، مون انٽرنيٽ تي اهڙي انگريزي اخبار ڪڍي جيڪا شروع ۾ هر پندرهين ڏينهن اپ ڊيٽ ٿيندي هئي ۽ پوءِ ان کي هفتيوار ڪيم ـ پنهنجي نوعيت جي سنڌين لاءِ ڪم ڪندڙ، دنيا جي اها پهرين آن لائين انگريزي اخبار هئي ـ اها اخبار ڪراچيءَ جي قديمي علائقي لياريءَ کان ڪڍيم جت ڏينهن جا ڏينهن بجلي غائب ٿيندي هئي ۽ جڏهن بجلي ايندي هئي ته بار بار هلي ويندي هئي جنهن ڪري منهنجو اڪيلو ۽ لاڏلو ڪمپيوٽر بار بار خراب ٿي پوندو هو جنهن کي ٺهرائڻ به وڏو ڏچو هوندوهو جو تن ڏينهن ۾ لياريءَ ۾ بهتر ڪپيوٽر ٺاهڻ وارو ڪير به ڪونه هو ـ ايڏا عذاب سهندي به مون ساڍا پنج ورهيه راتين جون راتيون جاڳي باقاعدگيءَ سان اخبار هلائي جڏهن ته ڏينهن جو پي آءِ اي جي سروس ڪندو هوس ـ سنڌ سان زيادتين خلاف لکڻ سبب اشتهار به ڪونه ملندا هئا ـ
انهيءَ اخبار ساري دنيا جي سنڌين ۾ زبردست جاڳرتا پيدا ڪئي جيڪا انهيءَ جي فيڊ بيڪ کان ظاهر هئي ـ سنڌين جي عالمي تنظيمن جھڙوڪ ورلڊ سنڌي ڪانگريس ۽ سنڌي ايسوسيئشن آف نارٿ آمريڪا (سانا) کان علاوهه ورلڊ سنڌي انسٽيٽيوٽ به انهيءَ اخبار جي ڪارڪردگيءَ کي گھڻو ساراهيو ـ مون پي آءِ اي جي سروس ۾ هوندي پنهنجي محدود آمدني مان انهيءَ اخبار تي خرچ ڪيوجيتوڻيڪ ڪيترن دوستن مدد ڪرڻ جا وڏا وڏا وعدا ڪيا پرعملي طرح مدد ڪونه ڪيائون ـ
سنڌ ٽه ڊي ڊاٽ نيٽ نه رڳو شهيد بينظير ڀٽي جا 3 انٽرويوز ڪيا پر بشير خان قريشي، منور لغاري، ڊاڪٽر سليمان شيخ، دبئي جي سنڌي واپاري رام بخشاڻي، ممتاز ڀٽيَ ۽ ٻين ڪيترن جا انٽرويوز ڪيا ـ انهيءَ آن لائين اخبار، پنجاب توڙي جنرل مشرف طرفان سنڌ سان ٿيندڙ زيادتين تي به گھڻو لکيو ۽ دليريءَ سان لکيو ـ
آخر جنرل مشرف جي سرڪار 26 جولاءِ 2006 تي ان تي بندش وڌي ۽ اهڙي خبر بي بي سي اردو، سنڌ ٽه ڊي جو نالو وٺي نشر ڪئي هئي ـ
ڪڏهن ڪڏهن مان سوچيان ٿو ته مان محدود وسيلن هوندي به اهڙو ڪم ڪري سگھان ٿو ته ٻيا سنڌي نوجوان، بهتر وسيلن هوندي به ڇو نه ٿا ائين ڪري سگهن؟ رڳو همت کپي سا کين ڌرتيءَ جي خدمت ڪارڻ ڪرڻ گھرجي ـ
انهيءَ اخبار ساري دنيا جي سنڌين ۾ زبردست جاڳرتا پيدا ڪئي جيڪا انهيءَ جي فيڊ بيڪ کان ظاهر هئي ـ سنڌين جي عالمي تنظيمن جھڙوڪ ورلڊ سنڌي ڪانگريس ۽ سنڌي ايسوسيئشن آف نارٿ آمريڪا (سانا) کان علاوهه ورلڊ سنڌي انسٽيٽيوٽ به انهيءَ اخبار جي ڪارڪردگيءَ کي گھڻو ساراهيو ـ مون پي آءِ اي جي سروس ۾ هوندي پنهنجي محدود آمدني مان انهيءَ اخبار تي خرچ ڪيوجيتوڻيڪ ڪيترن دوستن مدد ڪرڻ جا وڏا وڏا وعدا ڪيا پرعملي طرح مدد ڪونه ڪيائون ـ
سنڌ ٽه ڊي ڊاٽ نيٽ نه رڳو شهيد بينظير ڀٽي جا 3 انٽرويوز ڪيا پر بشير خان قريشي، منور لغاري، ڊاڪٽر سليمان شيخ، دبئي جي سنڌي واپاري رام بخشاڻي، ممتاز ڀٽيَ ۽ ٻين ڪيترن جا انٽرويوز ڪيا ـ انهيءَ آن لائين اخبار، پنجاب توڙي جنرل مشرف طرفان سنڌ سان ٿيندڙ زيادتين تي به گھڻو لکيو ۽ دليريءَ سان لکيو ـ
آخر جنرل مشرف جي سرڪار 26 جولاءِ 2006 تي ان تي بندش وڌي ۽ اهڙي خبر بي بي سي اردو، سنڌ ٽه ڊي جو نالو وٺي نشر ڪئي هئي ـ
ڪڏهن ڪڏهن مان سوچيان ٿو ته مان محدود وسيلن هوندي به اهڙو ڪم ڪري سگھان ٿو ته ٻيا سنڌي نوجوان، بهتر وسيلن هوندي به ڇو نه ٿا ائين ڪري سگهن؟ رڳو همت کپي سا کين ڌرتيءَ جي خدمت ڪارڻ ڪرڻ گھرجي ـ
انتظامي رڪن طرفان آخري ترميم:
