ينگ رائيٽرس فورم سنڌ پاران مونکي سنڌ سلامت ڊاٽ ڪام تي ٻولي، ثقافت ۽ فن بابت خدمتن عيوض سنڌ راڻي بهترين ورڪر اوارڊ 2014 مليو. اهو اوارڊ نامياري ليکڪ، ڪمپيئر ۽ استاد محمود مغل هٿان ممتاز مرزا آڊيٽوريم حيدرآباد ۾ 9 جنوري 2015ع تي هڪ تقريب ۾ ڏنو ويو. ان موقعي تي مونسان گڏ سنڌ سلامت جو سرواڻ نثار احمد ناز، ڊاڪٽر عبدالحفيظ لغاري ۽ غلام مرتضى وساڻ به موجود هيا. مان ٿورائتو آهيان ينگ رائيٽرس فورم ۽ ان جي سرواڻ غلام مصطفى سولنگي صاحب جو جن مونکي ان لائق سمجهيو ۽ ساڳي وقت مان سمجهان ٿو ته ٻيا ڪيترائي دوست آهن جيڪي پڻ اهو ڪم مونکان بهتر انداز ۾ ڪري رهيا آهن، جيڪي پڻ اهڙن اوارڊن جا مستحق آهن ۽ مان هي اواراڊ انهن سڀني دوستن جي نانء ڪيان ٿو. سنڌ سلامت سٿ جو پڻ ٿورائتو اهيان جن مونکي پنهنجي فورم تي خدمت ڪرڻ جو موقعو ڏنو. انهن سڀني دوستن جو به ٿورائتو آهيان جيڪي مسلسل رهنمائي ڪندا رهيا آهن، صلاحون ڏيندا رهيا آهن ۽ حوصلا افزائي ڪندا رهيا آهن. هي اوارڊ مان فورم جي منتظم ۽ پياري دوست ذيشان رشيد جي ناء ڪريان ٿو، جنهن سدائين فورم لاء جاکوڙيو آهي ۽ اسان کي موقعو فراهم ڪيو آهي ڪجهه ڪرڻ جو. رشيد سائين سدا خوش هجو. ٿورا نه ٿورا مونتي ماروئڙن جا ٿر ۾ واري ٿورڙي تيها گهڻيرا ڀلايون ۽ ڀيرا ڳڻي ڳڻيندس ڪيترا
ادا اسانکي بيحد خوشي حاصل ٿي آهي ، اوهانکي ۽ سنڌ سلامت سٿ کي مبارڪون هجن ، مولا ڪريم اوهانکي هميشه سرخرو رکي
ادا اسان جي طرفان اوھان کي ۽ سنڌ سلامت جي پوري سٿ کي لک لک وڌايون ھجن. اميد ته سدائين سنڌ ڌرتي جي ائين ئي خدمت ڪندا رھندا
سائين اوهان جيڪا محنت ڪئي آهي سنڌي ٻولي کي دنيا جي ڪنڊ ڪڙڇ ۾ پهچائڻ لا ان لا توهان ان جا حقدار آهيو، لکين مبارڪون، سنڌ سلامت جي سموري سٿ کي خاص خاص اوهان کي..
لک قرب ... هي اوارڊ سنڌ سلامت جي سموري ٽيم جو آهي، جنهن جو اوهان به حصو آهيو، تنهنڪري هي اوارڊ اوهان جو به آهي.
سنڌي ٻولي يا ثقافت لاءِ توڙي جو نه هئڻ برابر ڪم هلي رهيو آهي... ۽ جيڪو هلي رهيو آهي ان ۾ سنڌ سلامت جي حصي واري ڪم جي مڃتا ملي ٿي ته خوشي ٿئي ٿي... حالانڪه بطورِ منتظمِ اعليٰ پنهنجي ڪم مان مطمئين ناهيان... دوست سليمان جا لک لائق جنهن مليل ايوارڊ کي منهنجي نانء ڪيو... ۽ مان اهو ايوارڊ سمورن رڪنن جي نانء ڪندس جو فورم جي بقاء يقينن انهن جي سرگرميءَ سان آهي..
يقينن هي ايوارڊ سليمان وساڻ توڙي سنڌ سلامت لاءِ هڪ اعزاز آهي. ينگ رائٽر فورم وارن کي به جس هُجي جو ايڏي جاکوڙ ڪن ٿا. ايوارڊ وٺڻ لاءِ سلُيمان جڏهن حيدرآباد وڃڻ جي ڳالهه ڪئي ته مرتضى سان گڏ مون به هلڻ جي خواهش ڏيکاري. ڇو ته اُتي ابو واصف، ممتاز قريشي ۽ نثار احمد ناز سان ملڻ جو موقعو هو. توڙي جو ممتاز صاحب جي طبيعت جي ناسازي جي ڪري ساڻن ملاقات نه ٿي سگهي پر پوءِ به اهو سفر، پروگرام ۽ ڪچهرري سُٺي رهي. مرتضى جا ڀوڳ ٻُڌڻ ۽ ٻُڌائڻ جهڙا پر ڪنهن ٻي دفعي. . . . . . هن وقت آئون هڪ نئين سفر لاءِ سنبرڻ جي جاکوڙ ۾ جڪڙيل آهيان . . . .تنهنڪري ڪُجهه به نه پيو ٿي سگهي.
واھ واھ ... سچ پچ ته دلي طور ڏاڍي خوشي ٿي آهي... سائين سليمان وساڻ منهنجي ذاتي را ۾ به توهان ان ايوارڊ لا تمام لائق دوست هئا. سنڌ سلامت جي سڄي سٿ کي به مبارڪون هجن. هي ايواڊ اهو ثابت ٿو ڪري ته اسان سڀ دوست جائتي رستي جا راهي آهيون. سنڌي ٻولي لا اسانجون هي ڪاوشون رب قبوليون آهن ۽ ان جو حاصل انهن ايوارڊن جي صورت ۾ ملي رهيو آهي. اڄ سائين استاد بخاري جي اها سٽون ياد ٿيون اچن ته مونکي تاريخ ۽ تقدير ڏني پڪ آهي .... جو سنڌ سنواري اهو جيئندو رهندو ..... هن ايوارڊ جي وڏي خوشي بيشڪ ادا رشيد کي ٿي هوندي جو سندس ڪم جو حاصلات هر دم قبول ٿي رهيو آهي. سو کيس به لک لک مبارڪون هجن. سٿ سلامت ساٿ سلامت، سنڌ سلامت چارڻ بي 796 دادو...
بلڪل حفيظ اوهان درست پيا چئو ... هي اوارڊ سنڌ سلامت لاء جتي فّخر جهڙي ڳالهه آهي اتي اسان لاء نئون چيلينج به آهي ته اسان کي ڪجهه وڌيڪ ڪم ڪرڻو آهي .... سچ اهو آهي ته اتي وڃڻ کانپوء ڪافي دوست ملڻ آيا جن ۾ مان ذڪر ڪندس سائين عبد الله سمون صاحب جو ... پاڻ بيماري جي بستري تان صرف مونسان ملڻ لاء اچي پهتا ... ڏاڍا مايوس پئي لڳا خاص ڪري سوشل ميڊيا جي اميچوئر روين تي. ساڳي وقت پاڻ سنڌ سلامت جي ٽيم لاء دعائون ڏيندا رهيا ته اهڙي وقت ۾ هي دوستن جو سٿ سنجيده ٿي ڪم پيو ڪري. سندن والد مرحوم به اسان جي سٿ ۾ هيو ۽ هميشه اسان جي رهنمائي ڪندو رهيو هيو. ساڳي وقت شاعر ۽ ليکڪ گل ڪونڌر پڻ ملڻ آيو ۽ مونسان ملي هليو ويو. هن اوارڊ تقريب ۾ ٻه ڳالهيون هيون، هڪ ته سينيئر دوست جن ۾ زيب سنڌي، محمود مغل، اسد قريشي، شوڪت نوناري، عرفان سمون سڀ سنڌ سلامت کان واقف هيا اتي ڪيترن دوستن لاء سنڌ سلامت بلڪل نئين هئي ..... خير هي اوارڊ اوهان سڀني جي محنت جو نتيجو آهي.
ادا سنڌ سلامت جي ڪاوشن جي جيتري به تعريف ڪجي گهٽ آهي ڇو ته مون کي سوشل نيٽورڪ تي سنڌي پجيز ۽ گروپز تي ڪم لا به سنڌ سلامت جو ڪم ئي اتساهيو هو ته جتي نيٽ جي دنيا ۾ ماڻهون گهر ويٺي به پنهنجي ٻولي پنهنجي ثقافت پنهنجي تاريخ جي جاڳرتا لا ڪم ڪري سگهي ٿو ته پو مان بلڪل به ڪجهه نه ڪجهه ڪري سگهان ٿي..سنڌ سلامت کي ايوارڊ ملڻ تي کوڙ ساڙيون وڌايون سندن جدوجهد نئين نسل لا ضرور فائديمند آهي جيڪڏهن هو ديس پرديس ۾ رهي تاريخ تهذيت ٻولي کان واقوف رهڻ چاهين ته سنڌ سلامت بهترين درسگاهه آهي
جيڪو ڪم ڪيو پيا سو به قيمتي آهي ۽ ها هڪ اهم ڪم هن فورم تي ٿيندو آهي .... اهو آهي ڪمپيوٽر بابت ڪيل سوال ۽ مسئلا ۽ انهن جو حل. باقي يار اوارڊ اوهان جي نانءُ ئي آهي ......
