هڪ گاڏي جو مستري هڪ ڪار جي موٽر مان سيلينڊر هيڊ ڪڍي رهيو هيو۔۔۔ ته هن ڏٺو ته هڪ ته سندس گيريج تي هڪ مشهور دل جو ڊاڪٽر اچي رهيو آهي۔۔۔ ڊاڪٽر ڀرسان ئي اچي بيٺو ۽ سروس مينيجر جي اچڻ جو انتظار ڪرڻ لڳو۔۔۔ جنهن کي هُو پنهنجي ڪار جي نقص بابت ٻڌائي سگهي۔۔۔ مستري ڪم ڇڏي اٿيو ۽ ڊاڪٽر سان دعا سلام ڪيائين۔۔۔ ”ڊاڪٽر صاحب اسلام عليڪم۔۔۔! ڇا حال آهن ۔۔۔ ٿورو هن ڪار طرف ته اچو۔۔۔۔“ ڊاڪٽر وعليڪم سلام چوندي مستري طرفان ٺهندڙ ڪار طرف آيو ۔۔۔ مستري ڪپڙي سان هٿ صاف ڪندي گاڏي طرف آڱر کڻي مثال ڏيندي چيو ۔۔”ڊاڪٽر صاحب هن گاڏي کي ڏسو ۔۔۔ مون پڻ هن گاڏي جي دل کي کوليو آهي۔۔ ۽ دل جا والوَ کوليا آهن پراڻن حصن کي ڪڍي نوان پرزا لڳايا اٿم۔۔ ۽ جڏهن ڪم مڪمل ڪري گاڏي هلائيندس ته گاڏي نئين تبديلي سان بهتر حالت ۾ ڪم ڪندي۔۔۔ پوءِ ڇو توهان منهنجي مقابلي ۾ وڌيڪ رقم وٺندا آهيو ۔۔۔ جڏهن ته اسان ٻنهي جو ڪم بنيادي طور ساڳيو آهي۔۔۔ ؟“ ڊاڪٽر هڪ دفعو مستري کي ڏٺو ۽ اعتماد سان چيائين۔۔۔ ”اهو ساڳيو ڪم تون تڏهن ڪري ڏيکار جڏهن انجڻ هلي رهي هجي۔۔۔۔ “
جواب: هڪ سوال جو لاجواب جواب۔۔۔ واه سائين واه اوهان به سنڌ سلامت کي هلندي اپڊيٽ ڪيو لڳي ٿو اوهان به ان ڊاڪٽر کان وڌيڪ تيز آهيو۔
جواب: هڪ سوال جو لاجواب جواب۔۔۔ واه سائين واه لاجواب سمجهاڻي آهي توهان جي بهترين ڪوشش آهي توهان جي سدائين گڏ
جواب: هڪ سوال جو لاجواب جواب۔۔۔ سائين اوهان جي هر ونڊ ڪيل ڳالهه لاجواب هجي ٿي۔۔۔ واقعي ٻين شعبن جي مقابلي ۾ ڊاڪٽر جو ڪم تمام ڏکيو آهي۔
جواب: هڪ سوال جو لاجواب جواب۔۔۔ هلندي دل جي آپريشن هلندڙ گاڏي جي مرمت هلندڙ فورم جو اپڊيٽ ڇا ته ڪامپيٽيشن آ يار
